| 日期 | 全年適用 |
上一次去 溫哥華 好多人同行，有公公婆婆、表弟表妹一家，所以選擇租咗一間屋，一齊住就方便喇！
間屋大，小朋友都玩得好開心，周圍又多公園，每日都可以去放電。而且一班小朋友住埋一齊，每日都好多嘢玩，又可以自己煮嘢食，非常溫馨。
溫哥華的確是一個居住好地方，天氣好、環境靚。我哋去的時候適逢櫻花季節，隨處可見櫻花樹，好靚。有時都會去遊客區Granville Island行下散步，或者去兩層高超市入貨。食物方面選擇豐富，有西式漢堡、芝士、薯條，又有中式飲茶，連香港人口味的麵包都有，唔擔心冇嘢食，間中會叫外賣，溫哥華外賣叫Food Dora。
如果你問我，在溫哥華生活最難適應的地方是咩？一定是倒垃圾！
首先，分類已令我好混亂，成日都要影啲垃圾向朋友請教。其次，垃圾唔是日日有得收。乾的垃圾還好，濕的厨餘要包好，所以盡量唔好浪費食物，處理廢物好麻煩，要等幾日先有得掉。而且丟垃圾要在天光前（約早上五，六點）推個垃圾桶出去，太早唔得，怕有動物會搗亂；太晏更加唔得，架車走咗又要等幾日。因為加拿大的完善環保回收制度，令我唔想製造垃圾，冷卻了我的購買意慾，是好事！
作者：天使媽媽
更多文章：
