平時放假，我和小朋友其中一項最愛嘅親子活動就係踩單車！最近就俾我發現咗個新嘅踩單車好去處，可以免費借單車之餘，仲可以欣賞維港景！
於連接中環9號碼頭至香港會議展覽中心嘅一段海濱長廊，全長約1公里，行人同騎單車人士可以共用嘅「共享徑」終於通車！
2個單車站設於中環10號碼頭附近及灣仔博覽道海濱長廊，方便大家於「共享徑」的起點、終點隨時借還。除咗可以walk in借車，亦可以透過「HK Shared Path」呢個app借用單車。借用單車係免費，不過就要繳付$100按金，還車時退回，每節借用時間為1小時。
有成人及兒童單車提供，兒童款仲可以揀兒童單車、兒童輔助轆單車、兒童平衡車及兒童三輪車，啱曬唔同年紀嘅小朋友，就連頭盔都可以借用，非常貼心。
沿途可以欣賞漂亮嘅維港景色，一邊踩單車，非常寫意，而且成條路都好闊，加上係平路，好適合同小朋友去踩。
地點：中環10號碼頭（公眾碼頭）單車站
電話：5801 1256
開放時間：星期一至日 09:00 – 21:00 (最後借車時間為 20:00）
單車費用：費用全免（每一輛單車需繳交HK$100 按金，按金於單車站還車時退回）
款式包括：成人單車、兒童單車、兒童輔助轆單車、兒童平衡車、兒童三輪車
官方網站：按此
文章 及圖片獲四月媽媽授權轉載
其他文章：