一次過滿足晒小朋友玩露營帳幕同埋媽媽想瞓高床軟枕嘅 Staycation！真係100分！
一開房門已經「嘩嘩嘩」，好大間房、有好大個露台，仲有酒店送嘅生日佈置、蛋糕及紅酒，喜出望外！
露台上有露營帳幕小朋友急不及待去帳幕玩，套餐包下午茶零食及飲品，大家可以chill住歎涼風。去個陣仲有聖誕閃燈，好有氣氛，可以勁打卡！
最鍾意大浴缸放房中央嘅設計，我一邊睇電視，兩兄弟一邊玩水。好彩去個時唔太凍，熄咗冷氣都放心俾佢地玩水，不枉我專程去買沖涼泡泡。屋企冇浴缸，酒店浴缸玩水係兩兄弟最期待嘅事！
酒店冇餐廳，但佐敦太多美食，嗌外賣食好豐富！仲可以放滿大大張飯枱，唔洗迫喺化妝枱食嘢。
晚上，帶兩兄弟上天際酒吧，無障礙咁180度九龍加港島繁華燈光夜景， 香港真係好靚！媽媽飲 cocktail ，小朋友就可以飲果汁！侍應姐姐好貼心，可能見到有小朋友，主動開火爐，兩兄弟覺得好新奇！
今個慶生 Staycation 實在太開心，我希望夏天到我生日，可以再嚟一次！
套餐：都市Glamping之旅 \ 時尚套房 + 豪華郊外野餐籃
價錢：$1,815起
Klook訂購：按此
文章 及圖片獲澄兄湜弟授權轉載
其他文章：
親子好去處｜荃灣全新8000呎Playhouse 長滑梯/沙池/吹氣城堡：試業優惠$150/2小時
聖誕好去處2022｜Fashion Walk打造北歐聖誕走廊 與Miffy一起投身極光星空