| 日期 | 全年適用 |
放假啦！放假啦！係咪好多嘢想做呢！除咗影吓燈飾睇吓戲之外，其實仲有好多嘢可以做，例如嚟個「親子紮染」，加上個滑捋捋messy play ，放電量一流呀！《Beeliant Craft》係一個減壓的共享空間，位於大廈頂層，加上落地大玻璃窗，令工作室充滿住陽光，感覺舒適放鬆。
工作室分為2部份，一邊係精油工作坊，另一邊就係DIY工作坊，會有頌缽音療、磁叉音頻、鋼舌鼓等，亦定期舉辦手工藝品工作坊。
今次嚟同2位姐姐玩吓扎染，過程都有職員細心指導。到加顏色部份，更加係個人藝術發揮的時候，媽媽我職責就係影吓相，打吓卡。2位小姐已經諗好，堅持要做短袖，下次去泰國旅行着。
Messy play，呢個令我驚恐的名詞，要玩一定要出去玩，咁就大家都開心啦！玩Messy play嘅地方就喺工作坊出面，景觀十分開陽，如果天氣好的話真係啲相點影都靚。
首先要着上防水衣，不過因為係一個size，所以金仔要摺起再摺起先啱，又加上係daddy負責，所以唔識摺起金仔啲衫袖褲腳，所以完場後「戰蹟」嚴重，好彩我早有準備，帶多套衫！
顏料、滑捋捋乳液、活潑小朋友，三樣集齊就可以開動啦！佢哋3姐弟都第1次玩滑捋捋嘅Messy play，完全係相逢恨晚，特別係金仔，簡直係「在搖擺中找到自我」般。興奮大叫、滑行。跌低。起身，不停重複又重複，就算天氣已暗都阻止唔到佢哋一顆滑行的心！
其實當日得10幾度，不過玩開又唔會覺得凍。如果天氣不佳又或者天氣凍都唔使擔心，會移去室內繼續進行 ！
完場時，職員更加貼心咁準備熱水，為佢哋清洗，媽媽我只需要撓埋對手等就得啦！感覺真係爽YY！完？仲未完呀！仲有小食同飲品免費提供，玩完可以補充下體力先離開。
細心又貼心嘅職員+開陽舒適嘅工作室+放電工作坊，實在大滿足！！你又準備好報名未？
詳情及報名：Beeliant Craft
文章獲浠姐、小肥滺與金仔授權轉載
更多親子好去處：
