有了小朋友以後，光顧 親子農莊 摘士多啤梨已成為每年的預定活動，可惜今年的士多啤梨姍姍來遲，等了又等。早前 Blogger 工程師媽媽學堂終於發掘到一個新開的 士多啤梨園 ，立刻急call親朋戚友嘗嘗鮮吧！
———————————————————-
一早來到農場，人跡寥寥，只見茫茫的士多啤梨海。立刻打電話問清楚農場是否已開放，原來要走到盡頭找負責人。工具到手後，立刻走到田園，基本上唔使行唔使揾，定點都可以摘滿一籮，所以一定要俾啲任務小朋友，例如：找最大粒的、找最奇形怪狀的……
明明只係小朋友的玩意，點知2位爸爸見到啲士多啤梨都忍唔住要出手，從未試過喺香港的果園見到咁大粒士多啤梨。一路摘一路諗，咁大個場，咁多又大又靚的士多啤梨都無人知，今次一定要大大力推一推佢，唔好浪費咗農夫的心機。
回家後享用親手摘的士多啤梨，入口甘甜、實肉，尤其奇形怪狀的更香甜。疫情解封，港人四出遊玩，處處人山人海，能夠尋覓一片寧靜的田園與好友共玩共聚，實為今年的農曆新年畫上完美的句號。
地址：新界打鼓嶺坪輋路1117號 (顯示地圖)
營業時間：07:00 – 18:00
電話： 6219 4955
FB：鳳凰農場
如何到達:
(一) 由粉嶺站公共小巴總站乘搭小巴52K前往坪輋(在總站下車)，鳳凰農場就在對面
(二) 由上水站公共巴士總站乘搭79K至打鼓嶺李屋村站下車，鳳凰農場就在對面
(三) 駕車由粉嶺站出發約15分鐘
(四) 農場/ 雲泉仙館提供免費泊車位
價錢：＄80/磅
温馨提示：建議出發前whatsapp農場查詢士多啤梨收成情況。
文章獲工程師媽媽學堂授權轉載
更多親子好去處：
