| 日期 | 全年適用 |
每逢有特別日子，「護士Vi媽」何穎恩姑娘便會帶小朋友到親子餐廳慶祝，孩子有得食有得玩，最重要是大人可以放鬆。
這間港島的親子餐廳去過幾次，食物質素不錯，賣相很吸引，味道也中上，孩子會乖乖坐低吃完再衝去玩多round。
當中「Tiramisu +浮誇棉花糖」迷你生日蛋糕有驚喜，勁吸睛，不過秒速俾啲仔㗳咗層棉花糖，價錢即平過在街買一個生日蛋糕+餐廳切餅費。
至於玩樂區，空間感都好大，應有盡有，不同重點主題區；好動的二火和三火玩招牌「攀爬繩網」，超長「金屬滑梯」係必玩！喜歡刺激的孩子，玩到流晒汗。
地下軟墊充足，點跑點跳都唔怕受傷；大火喜歡「玩超市」嘟收銀機，貨品又多又齊，全個超市的蔬菜水果和乾貨麵包都俾佢嘟晒；要讚下職員光速執拾整理超市，每次玩超市都整整齊齊，不會亂晒坑咁。
男孩大愛的「車車玩樂區」，車的數量足夠，想玩可以隨時玩，不用大排隊；車場空間不錯，有埋加油站，多元化。
餐廳內有幼兒區和育嬰室，照顧BB不同需要，6個月以下免費；成人入場費包套餐連沙律+飲品，成為會員再平少少。
營業時間：12nn-9pm
地址：北角和富道21-53號和富中心地庫B01B舖
收費：
星期一至五（公眾假期除外）：
小童（會員）$108（正價）$158、成人（會員）$208（正價）$258
星期六、日及公眾假期：
小童（會員）$148（正價）$198、成人（會員）$258（正價）$308
（入會費用：$88 – 永久會籍）
（6個月以下免費）
更多文章：
