| 日期 | 全年適用 |
玩樂熊貓館三歲喇！
仲記得兩年前第一次帶兩兄弟上去玩，兩個都好鍾意佢哋架長火車，可以一家人一齊玩架！
今日好開心，可以參與到「玩樂熊貓三歲生日會暨感謝祭」，可以同大家一齊玩吓、影吓相、傾吓偈。
兩兄弟一去到就即刻俾架火車吸引住喇，火車有4卡，大人同小朋友可以一齊坐，哥哥要坐第一卡做司機，可以負責控制方向，好好玩！
仲有復古車同mini cooper電動車，也有可以大人負責遙控嘅白色貴族車和消防車，真係揸車都有排玩，佢哋勁開心！
館內中庭嘅位置特意留有一大空間，可以俾小朋友有更多走動嘅地方，地墊係車場圖案，又有模擬交通燈嘅指示牌，啱晒鍾意玩車嘅小朋友。
玩樂熊貓館有超過300款遊樂設施，有電動車、巨型stem牆、木製玩具、鞦韆、攀爬牆、滑行車、廚房仔 、籃球機和波波池等，玩具設施擺放好整齊，保養得好新淨。
大人都唔使怕悶呀！場內有 4合 1桌上玩樂機，多款board game，有得打機，仲有卡拉ok，電動麻雀及VR遊戲機，一班人去玩就啱晒！下次約埋班朋友再嚟玩過！
玩樂熊貓館有兩間分店，可以包場開生日會，有需要也可以加購攝影師服務，遲啲仲會有春季大抽獎、小熊貓波波禮遇 、館內設施及業務升級等，詳情就上佢哋Facebook了解下喇！
玩樂熊貓仲係一個好有愛嘅品牌，佢哋會為任何病童，弱勢組織， 或者有需要嘅小朋友提供免費場地俾佢哋玩樂，真係好有愛心，好支持佢哋！
玩樂熊貓一站式親子平台 – 場地及活動
地扯: 九龍觀塘開源道54號豐利中心8樓801室(觀塘站B1出口直行6分鐘)
—————————————
Facebook專頁： 安妮媽媽親子日記
IG: @Annie_mama_diary | 安妮媽媽親子日記
E-mail : AnnieMamaDiary@gmail.co
作者：安妮媽媽親子日記
其他文章：
