澳門有很多適合一家大細親子遊的好去處，包括親子酒店，Blogger「鯨魚‧蝦子媽咪親子log」近日就帶小朋友去澳門入住葡京人酒店，人均$350/晚，還附送自助早餐，十分超值！
蝦子媽咪日前一家四口前往澳門2日1夜親子玩樂之旅，入住於2021年開幕的葡京人酒店，人均只需$350/晚，一起看看她的介紹！
呢間酒店有Line同Loccitane主題房，但我就梗係住最基本嘅高級雙牀套房啦，雖然房size唔大，但質素絕對唔差，特別係浴室，裝潢華麗，沐浴間同座廁分隔開；而牀褥亦非常軟，房間景觀仲要望海（幸運地派到高層房），整體十分乾淨舒適，瞓得幾好！
自助早餐喺一間特式港式茶餐廳裝潢同風格嘅餐廳，但座位寬敞舒適，食物選擇有多士麵包、薯餅、煙肉蛋腸、沙律炒麵等，質素還可，唯食物唔夠多元化。我最欣賞佢有一座香港失落嘅皇宮海鮮舫，亦有GoAir飛行體驗同城市滑索，可惜我哋schedule太full，今次未能玩到！
最差就係比較少shuttle bus，我要步行3分鐘到旁邊嘅上葡京娛樂城，先可免費坐車去唔同地方。
Anyway，要搵一間平靚正酒店，「葡京人」會係其中一個好選擇，check in 快，房間質素高，包早餐😋我見有啲日子都只係$9XX/晚，大家去澳門可以考慮一下！
文章獲「鯨魚‧蝦子媽咪親子log」授權轉載
更多文章：
