春季旅行|蝶豆花園農莊 3歲或以下免費入場 有 羊駝 同天鵝湖嘅花園|80後爸B


全年適用

又到阿寶幼稚園春季旅行,今次去到大埔蝶豆花園,呢度唔單只大,仲有好多嘢玩,加埋 羊駝 、天鵝湖,打卡最啱!

園內有好大個湖,入場套票包埋坐天鵝船,限時15分鐘,慢慢踩好hea。坐完天鵝船,仲可以餵魚,阿寶一放魚糧,啲錦鯉就伸頭嚟食,有冇咁餓呀!?

天鵝湖隔離有條許願橋,可以喺 羊駝 牌仔寫願望再掛上去,條橋影相打卡都幾靚!好多農莊都有羊、烏龜、兔仔,呢度特別啲,有 羊駝 !可以俾錢走入圍欄近距離接觸,不過隻隻都高過阿寶,喺圍欄外面餵紅蘿蔔就算…

呢度仲有好多打卡位,風車、花海、壁畫,仲有地台鋪咗啲鏡嘅天空之鏡,影相嘅時候倒轉部電話,可以影到天空嘅景致;不過爸爸影嘅時候唔識,影極都唔似,事後先知個技巧。

除咗動物同打卡位,當然唔少得玩嘅地方,有繩網、彈牀、長滑梯,仲有得DIY整 羊駝 錢罌、皮革鎖匙扣,不過阿寶未識用鎚仔揼皮革,最後都係交俾爸爸出手。

入面仲有間幾有feel嘅café,可以食藍色嘅蝶豆花雪糕,仲可用入場費送嘅代幣夾 羊駝 公仔,不過爸爸媽媽一個都夾唔到…

蝶豆花園農莊

開放時間:星期一至日 10:00-18:00
地址:大埔鳳園路8號
收費:
成人$200(包括觀光船票、天空之鏡拍照、夾 羊駝 公仔幣3個、DIY真皮 羊駝 印鎖匙扣、DIY拼圖 羊駝 筆筒和祈福牌)
小朋友$150(3-12歲)(包括觀光船票、天空之鏡拍照、任玩充氣彈牀和沙池、夾公仔幣3個、DIY彩繪錢罌和沙畫)
不足3歲或以下免費入場、長者半價
(親親 羊駝 $60送飼料一份)
按此了解更多「蝶豆花園農莊」

 

作者:80後爸B,原文刊登於「阿寶與爸B 生活日常」FB專頁

其他文章:

遊樂場好去處|極近港鐵站啟德大道公園 大人咁高繩索橋+捐山窿+6人大鞦韆|80後爸B

工業公園|隱藏於鬧市中 有草地+7件藝術作品+貨櫃展覽空間|80後爸B


熱門文章

暑假好去處 2024 ︱19項活動 商場打卡/展覽/工作坊/開放日/免費嘉年華 (持續更新)
前深水埗配水庫 8.1起毋須預約參觀 上限100人先到先得
玩水好去處|全港22個 嬉水池 全面睇 邊個泳池最多滑水梯?
親子餐廳 2024|全港28間親子餐廳合集 攀爬架/室內沙灘/靚靚打卡位/Care Bears主題美食
媽媽谷 | 免費加入Ohpama WhatsApp group獲得最新資訊 著數優惠

暑假好去處 |荃灣廣場運動狂熱挑戰站「SPORTS FIESTA」 輕功水上飄競技樂園/全港兒童追逐運動會 新達廣場運動+生活市集
夜釣墨魚 ︱即釣即煮即食 $298/位 尖沙咀出發 將軍澳跨灣大橋4小時夜釣︱ 暑假好去處
送恐龍島大冒險親子套票|挪亞方舟暑期考古探索
大澳好去處 |坐觀光小艇穿梭舊棚漁村 船主沿途講解 $39/位
前深水埗配水庫 8.1起毋須預約參觀 上限100人先到先得
暑假好去處 2024 ︱27項活動 商場打卡/展覽/工作坊/開放日/免費嘉年華 (持續更新)
查看更多   ▸