| 日期 | 全年適用 |
最近又有新嘅室內放電遊樂場開幕啦，「 Super Sports Park 」4月1日正式開幕！呢到佔地有5萬呎，入面嘅玩樂設施適合不同年齡層，大人、細路都啱玩，超超超~~超級放電！有刺激、運動型、極限運動型、輕量型遊戲…
彈牀樂園、兒童歷奇、空中滑索、投籃挑戰、保齡球、彈珠足球、車軚滑梯、滑梯山、滑板場、滾軸溜冰場、兒童樂園、忍者障礙陣、攀石牆等等…… 總之全部都係超放電嘅，亦絕對係下雨天提案哦！
大人、細路都可以玩嘅車軚滑梯，和牛B話好刺激呀！
彈牀樂園區，呢到有多個彈牀供玩樂，亦有分幼兒區嘅彈牀， 每張彈牀只限一位進入。仲有全場最高嘅水管滑梯，足足有兩層樓咁高！
空中滑索，唔算超刺激，但都係挑戰小朋友自信同膽量嘅遊戲；投球遊戲，適合一家大細、一大班朋友對戰，超放電，仲要考眼力、手力；籃球保齡，挑戰體能極限！
投籃挑戰，每個籃都設有唔同分數，挑戰一下自己嘅實力，睇下最終拎到幾多分；彈珠足球，同籃球一樣都係計分遊戲，鍾意踢波嘅你一定鍾意玩；忍者障礙陣園區，絕對係一個考身手嘅訓練場！場內仲有小朋友鍾意嘅滑梯，仲有唔同款式、長度。
另外，仲有小朋友最愛嘅迷宮陣、不同嘅投球遊戲；滑梯山有上有落，絕對係最愛爬來爬去嘅好動小朋友玩！仲有兒童樂園，有攀爬設施等遊戲，亦有滾軸溜冰場、滑板場，場內有提供鞋、護膝等裝備。放完一輪電，場內仲有打卡位，影下相回下氣先！
場內設施有洗手間、儲物櫃提供。離開遊戲區，旁聽仲有餐廳，我哋玩到攰、又餓，點咗輕量食物做下午茶，小朋友最愛Pop Corn。另外，再點咗雜果賓治，正呀，妹妹都話好好食呀~ 最後仲加咗份甜品，窩夫+雪糕。
真係超放電！放假、下雨天、天氣熱最佳之選！
**場內溫韾提示: 為安全起見，12歲以下兒童必須由成年人陪同。所有入場人士亦必須購買Super Sports Park防滑襪 ($30/對)。每位進入Super Sports Park人士必須簽妥免責聲明後，才可進場遊玩(18歲以下必須由成年人簽名)。
地址: 香港大角咀海輝道18號銀海坊 G03 & G05舖 （奧海城A2出口步行約7-10分鐘）
詳細資料: https://www.kkday.com/zh-hk/product/141283?cid=14923
作者：和牛B的成長日記
更多親子好去處：
