| 日期 | 全年適用 |
未夠3歲可以免費入 海洋公園 ！Blogger 80後爸B 早前同阿寶去玩半日～雖然阿寶無得玩機動遊戲，不過可以坐吊車睇動物，仲有Baby Shark Party表演，已經令佢好滿足！
阿寶嚟到海洋公園站，已經未入場先興奮，見到馬賽克動物圖案即刻要打卡。呢日微雨，本來想租架有雨檔BB車，但係阿寶唔鍾意坐，咁行到攰點算？唯有爸爸抱啦！上到山隨便買啲嘢食Lunch，坐喺劇場位置有齊枱櫈+洗手設施，仲可以望住個大海，都幾hea！
食完去睇水母+鯊魚，原來水母館喺纜車站落一層就到，早知睇咗先，唔使兜圈行回頭路。至於阿寶眼中嘅鯊魚館，其實同海洋奇觀一樣有水有魚，好似無乜分別咁，下次可以慳番啲時間睇其他嘢。呢日可能落雨關係，海豚探秘活動cut咗一截，只有2條海豚游幾下+跳幾下水，原本有嘅海獅都無出嚟，主持講一堆保育資訊就完咗…
好彩南北極館有番啲吸引力，如果唔係實悶親阿寶。喺北極館大大隻海象喺面前游過，仲有肥嘟嘟海豹，睇到阿寶大開眼界！南極館就咁啱開餐時間，企鵝有得食就叫得好大聲，阿寶當唱歌叫埋一份。至於雪狐就瞓覺無得睇。
坐海洋列車落山就去搵熊貓，原本都知佢哋懶洋洋，但估唔到3點幾已經瞓緊覺，其實熊貓館就喺登山纜車隔離，下次上山前早啲過去，應該未瞓啩？雪狐瞓咗，熊貓瞓咗，本來要晏覺嘅阿寶未瞓嘅？有得玩又點會瞓！
轉頭就喺威威天地坐砵砵火車頭，夠鐘就去威威劇場睇表演，有Baby Shark+Pinkfong！內容講保育，仲有跳舞玩遊戲，臨完場前見台前有人聚集，原來完show可以上台合照，到我哋有意識去排隊時已經截龍，所以好重要！！！大家想影相就要睇準時機過去啦！
尾站去海洋奇觀睇魚，不過黑暗環境加上玩咗大半日，全程阿寶喺爸爸膊頭瞓着咗，咁就結束佢嘅第一次海洋公園之旅。
呢個係我哋嘅半日行程：
11:30 入場，搭登山纜車上山
12:00 Lunch
13:00 睇水母+鯊魚
14:00 睇海豚表演
14:30 睇海豹+海象+企鵝+雪狐
15:30 坐海洋列車落山
15:45 睇大熊貓+小熊貓+狐獴+大象龜
16:15 玩砵砵火車頭
16:30 睇Baby Shark Party
17:00 參觀海洋奇觀
18:00 離開
今次雖然阿寶免費入場，但係爸爸媽媽都要俾錢入場，所以爸爸搵到個限定5%優惠套票～大人門票$370，送$30園內現金券+再送Pacific Coffee 12oz咖啡兌換券～而兒童門票亦有77折，只係$216。
而家海洋公園仲有高達展覽，可以回顧「高達之父」大河原邦男劃時代作品，仲有 雙俠狗 + RX-78-2高達 + 渣古 模型合照影相，同埋「高達之父」主題限定店，爸爸真係好想再入場玩多次！
開放時間：星期一至日 10:00-18:00（部分日子為休園日，最新安排請留意海洋公園公布）
地址：香港仔黃竹坑道180號
收費：
1. 全日優惠套票（送園內$30電子現金劵1張＋再送西樹泡芙$20電子現金劵1張）（有效期至2023年6月30日）
每人$360
2. 全日優惠套票（送園內$30電子現金劵1張＋再送Pacific Coffee 12oz咖啡兌換券）（有效期至2023年6月30日）
每人$370
3. 海洋公園 x 高達之父「大河原邦男50周年展」套票
（套票包括：海洋公園門票 + 高達之父「大河原邦男50周年展」(45 分鐘)，成人及3至11歲小童門票同價）
每人$448
4. 全日優惠套票（贈$30園內電子現金劵1張）（有效期至2023年6月30日）
成人$360 / 兒童（3-11歲）$216
需要。
可以回顧「高達之父」大河原邦男劃時代作品，仲有 雙俠狗 + RX-78-2高達 + 渣古 模型合照影相，同埋「高達之父」主題限定店。
作者：80後爸B，原文刊登於「阿寶與爸B 生活日常」FB專頁
其他文章：
