| 日期 | 全年適用 |
還在想該如何計劃 澳門親子遊 ？言語治療師Miss Carley近日帶同孩子前往澳門，除了帶他們到一個超多遊玩設施的公園放電外，還跟他們到Robocar Poli親子餐廳「朝聖」！大家不妨參考一下以下2大 澳門親子遊 好去處，在假日時帶小朋友去澳門玩番轉！
Miss Carley今次帶小朋友前往位於觀音像旁的「觀音像海濱休憩區」，這個遊樂場佔地非常大，而且設施新穎，小朋友可以盡情放電：「去澳門一定要帶小朋友嚟呢個超正嘅公園放電，有超高、超大型攀爬架，好多條幾層樓高嘅滑梯、唔同款式嘅韆鞦同氹氹轉，就連踫踫車都有，小朋友一定會玩到唔捨得走！」
後來他們一行人又去到POLI CAFE 波力主題餐廳，是港珠澳首間以《救援小英雄POLI》為主題並取得韓國正式授權的親子餐廳 。Miss Carley建議大家在出發前最好事先在網上預訂座位：「兩兄弟基本上對所有關卡車的卡通片都超喜歡，臨出發澳門前才發現有這樣的一間親子餐廳，立刻網上預訂！」
親子餐廳地方雖然不大，但有齊波波池和滑梯等，餐具全部都是波力救援小英雄的：「食物質素也不錯，價錢也合理，順帶一提個夾公仔機好易成功，兩兄弟夾到自己鍾意的公仔都好開心！」
親子餐廳地址：馬交石斜坡 新益花園 地下H座(俾利喇街交界)
官方Facebook：POLI CAFE 波力主題餐廳
最後，Miss Carley提醒大家，最近澳門真的有很多遊客，最好提前計劃行程：「除咗遊樂場同埋Poli Cafe之外，仲可以去酒店遊戲室（除咗Q立方外，其他的都要預約），記住去埋科學館，都好啱小朋友玩！」
溫馨提示：
1. 除咗身份證外，記住要帶埋小朋友的護照！我哋差啲因為咁上唔到船，好彩最後關頭搞得掂！
2. 一定要預早最少一個月喺官網訂定船飛，否則會冇晒啲靚時間嘅班次。
3. 記住要keep住張入境紙，check in 酒店時有用。
圖文獲言語治療師媽媽Miss Carley授權轉載
作者：Miss Carley
更多親子好去處：
