| 日期 | 全年適用 |
芭提雅 ｜泰國距離香港較近，而且消費水平低，是出遊的熱門目的地。如果想chill住嘆世界，不妨選擇距離曼谷約2小時車程的芭提雅，入住一間靚酒店，可以享受水上樂園、Spa等設施，足不出戶都好多嘢玩！Blogger天使媽媽今年年初就帶女兒去芭提雅，入住太空主題酒店，度過四日三夜，仲推介兩間性價比超高的打卡餐廳，面對海天一色的美景，由天光食到天黑！
著數優惠學校 / 校長專訪
第一次坐阿聯酋航空，機上娛樂豐富，但食物一般，因為太濃味食唔慣。到達曼谷機場，差不多凌晨十二點。入住具有歷史感的機場酒店，感覺好似迷離莊園。第二日離開酒店，正式踏上征途。
由曼谷去芭堤雅車程要兩個鐘，中途景點是狗仔cafe。全白色的門口好靚，入到去，好多隻Husky瞓喺度涼冷氣。環境衛生，冇特別氣味。
抵達芭提雅，入住Grande Centre Point Space PATTAYA。酒店以太空為主題，房間好大，有高科技充電，外面風景好靚。
出發去芭堤雅第一站，Big C，簡單食完Food Court午餐之後逛超市。
晚飯時間，好友特意book咗間靚靚餐廳。我哋由天光食到天黑，可以慢慢打卡。餐廳室內有特色木製餐桌椅，室外位置面對海天一色的美景，坐得舒服，隨便影都似postcard！咁多年冇嚟泰國，原來現在的餐廳咁靚、咁高質素，最重要是消費唔貴，性價比高，有機會一定再幫襯。
是日活動，玩水。酒店有水上樂園，唔算好大，勝在方便，有滑水梯、lazy river同大量水槍，絕對夠玩。
中午到一間住宅區入面的隱世餐廳用餐。沿途行入餐廳，已經被裝修吸引，佈滿綠色植物，充滿悠閑的泰式風情。
是夜活動：Facial 加按摩。酒店入面有間好靚的Spa，記得要預早 book，好爆！泰國酒店真是好正，全日留喺度都大把嘢玩。做完 facial ，就去休息，準備第二日要返香港。
一早起身食早餐，今次去酒店另一間位於高層的餐廳，細啲、人少啲。坐室外，靚景，好天氣，舒服！餐廳仲望到游泳池，食物選擇多，不過我食得少。酒店仲送咗啲代幣，可以換食物，飲品或者夾公仔；舒服的酒店，推介！
作者：天使媽媽
更多文章：
