滑雪體驗 ｜深圳最大滑雪場 九龍出發50分鐘車程 玩雪/雪橇車/滑雪水泡/冰屋/打卡｜初初媽媽

夏天天氣炎熱，自然想到涼爽的環境，去游水、到冷氣場所活動外，亦可以去玩雪！最近Blogger 初初媽媽 ChochoMama 就帶小朋友到深圳卡魯冰雪世界 滑雪體驗 ！

初初媽媽表示，由九龍出發只需50分鐘車程，超方便，可以即興隨時出發即日來回，或是好似佢哋咁住一晚酒店。場內有各類 滑雪體驗，玩雪、雪橇車、滑雪水泡、兩層高滑梯、冰屋、北極光打卡區，而場內另有輕食暖房。

卡魯冰雪世界提供滑雪裝備、頭盔、保暖衫、褲、鞋、儲物櫃都包，不過唯一手套需要自備。初初媽媽及兩個小朋友第一次滑雪，初體驗嚟呢度試吓都唔錯，而妹妹同哥哥都玩得好開心！冰雪世界位於深圳觀瀾湖生態運動公社入面，除咗有得玩冰雪世界，仲有遊樂場、公園、機動遊戲，可以玩足一日超放電。

如何前往：

我哋喺九龍高鐵站出發，乘搭高鐵前往深圳北站，只需18分鐘，A出口步行5分鐘左右到深圳北地鐵站，再轉地鐵「四號線龍華線」牛湖方向（約28分鐘），觀瀾湖站下車A出口即達！

唔搭高鐵，可以搭港鐵到落馬洲站，過關後福田再轉地鐵四號線又得。而深圳地鐵未滿六歲免費，小朋友有優惠票到售票機買飛就得啦！

更多資訊：

卡魯冰雪世界

地址：深圳龍華區高爾夫大道15號觀瀾湖生態運動公社

門票：HK$143起

收費及網上購票詳情：按此

文章獲初初媽媽 ChochoMama授權轉載

更多親子好去處：

室內遊樂場 ｜全港獨有兒童「流水漂流鴨仔船」 11大主題遊樂設施 最低$80有得任玩！｜初初媽媽

親子燒烤｜4小時任食BBQ+任玩設施 繩網/海盜船/飛機滑梯｜初初媽媽

免費遊樂場｜深水埗碼頭主題遊戲室 小朋友變身「舵手」航海｜初初媽媽