| 日期 | 全年適用 |
去旅行想 浸溫泉 ，但同時又要照顧小孩，都讓媽媽感到很為難。Blogger「護士Vi媽三小火」早前分享了帶孩子一同去台灣北投 浸溫泉 的經驗，各位媽媽都不妨參考一下！
台北之旅最後三天我們選擇book房間裏有私人溫泉的酒店，想抒發一下，帶住3個仔，一直我都唔夠膽奢望自己去旅行可以 浸溫泉 ，因為通常都是男女湯分開，而火腩爸一個人湊唔到三個仔入去搞晒所有嘢，雖然我梗係想啦，放晒啲仔俾阿爸，我自己一個入女湯，正呀喂！諗吓好啦，火腩爸實嗌救命，但係我旅行又真係好想 浸溫泉 ，紓緩一下，於是試吓搵房間入面有私人溫泉的酒店，除咗私隱度高，同鍾意隨時浸之外，原來對有小朋友的家庭都有好處！
首先孩子皮膚能承受的溫度和水位高度比成人低，私人溫泉的好處，就是溫度和水位也可以調校，比在公共浴池安全得多，而且晚上鍾意浸幾耐都可以，不用掛住照顧孩子，而忽略自己休息。每天晚上回到酒店幫三個孩子沖涼後，先放溫泉水在大浴池，泉水在獅子口噴出來到大浴池，好有儀式感！
放泉水大約半個池的高度，，三個孩子就可以在水位較低的溫泉浸浴和玩耍，待他們睡覺之後，大人們就將溫泉水位再加添一點，同較熱啲水，晚上浸溫泉，想浸幾耐都得，真係好嘆！買定飲品在旁邊，實在幫疲勞的身軀充充電，我們住了兩晚，日日期待夜晚孩子睡覺後的時間。
非常推介有私人溫泉的溫泉酒店，我們6人住北投的皇家季節酒店「阿波羅套房」，大約一千港紙/晚，性價比高，洗手間很大，溫泉、浴室和廁所分開，即使6人住在一起都唔會爭洗手間用。呢間溫泉酒店在北投，附近好近著名景點，例如地熱谷公園、北投溫泉博物館、北投圖書館、北投公園、復興公園，非常方便！
酒店有數個泊車位，我們沒有預約，但慶幸也能泊在酒店裏。附近都有好多嘢地道食店，非常方便，有間食地道食魯肉飯又平又抵食，有細路記得叫有肉鬆那個，包你清碗！
文章獲護士Vi媽三小火授權轉載
作者：何穎恩姑娘
更多親子好去處：
台灣親子遊｜台北科學教育館免費STEM展覽 大玩體感遊戲 避暑放電之選
台灣親子遊｜台北兒童新樂園設13項兒童設施 全日任玩套票只需$50 6歲以下免費
台灣親子遊｜台北桃園新開幕水族館 X Park 睇珊瑚海+企鵝+水母+水豚
