| 日期 | 全年適用 |
之前MC張天賦喺 香港太空館 拍攝《世一》嘅MV，Blogger 80後爸B 睇完已經覺得入面幾靚，一直想帶阿寶睇睇～早幾日趁7.1免費入場，於是我哋就入去參觀！
首先睇嘅係地下「宇宙展覽廳」，喺入口位置播放緊太陽嘅影像，行入啲就係展板模型介紹宇宙資訊，由小學常識科嘅八大行星，到愛因斯坦研究嘅量子力學都有涵蓋，有得睇、有得玩、有得掂，阿寶就最開心。雖然啲互動遊戲未啱阿寶玩，宇宙知識對佢嚟講又太深，不過現場環境燈光效果啱晒打卡，臨尾仲有天幕電影講宇宙大爆炸，視覺上幾震撼！
至於二樓係「太空探索展覽廳」，主題圍繞太空科技、太空探索，比較多新聞歷史性資料，有少少悶，不過爸爸都搵到啱阿寶嘅地方～
利用上下顛倒嘅影像，俾大家體驗身處太空嘅失重狀態，喺裏面天旋地轉令爸爸都有啲頭暈。
^虛擬太空站利用上下顛倒嘅影像，俾大家體驗身處太空嘅失重狀態，喺裏面天旋地轉令爸爸都有啲頭暈。
感受唔到升空嘅重力，不過可以瞓喺太空假人旁邊，同佢selfie都幾特別！
^模擬駕駛艙感受唔到升空嘅重力，不過可以瞓喺太空假人旁邊，同佢selfie都幾特別！
富二代一直被爸爸灌輸「家中欠很多債」?
上一次爸爸去太空館已經係翻新前，當時已經講緊上火星，但係館內仲係停留喺登陸月球……翻新後就多咗啲互動、視像裝置，展品同介紹都update咗唔少，今次參觀爸爸覺得都算幾有驚喜！不過7.1入去真係好多好多好多人，體驗感覺唔係咁好，既然逢星期三都免費入場，爸爸一於遲啲再帶阿寶嚟過！
開放時間：星期一、三至五 13:00-21:00
星期六、日及公眾假期 10:00-21:00
休館日子：逢星期二（公眾假期除外）、農曆年初一及二
聖誕前夕及農曆新年除夕 17:00 關閉
地址：尖沙咀梳士巴利道10號
交通：港鐵尖沙咀站E出口、尖東站J3出口
門票：標準票 $10，優惠票 $5 （殘疾及60歲或以上人士）
4歲以下小童、全日制學生、持有效博物館通行證者 免費入場
（逢星期三免費入場）
按此了解更多「香港太空館」
作者：80後爸B，原文刊登於「阿寶與爸B 生活日常」FB專頁
更多親子玩樂好去處：
