荃灣好去處|位於商場 海洋探索體驗館 睇水母+爬蟲動物+任玩兒童遊戲區|80後爸B


夏天成日落雨,天氣又咁熱,所以同阿寶出街玩都係室內活動為主,最近我哋去咗喺商場嘅 海洋探索體驗館 「浩海立方・探游館」,睇介紹話有1萬呎,相信夠阿寶玩足大半日!

展館門票分2種:2小時體驗 或者 日票全日任玩任睇,而日票仲包期間限定嘅爬蟲特備展覽,我哋唔想咁趕,又想睇多樣嘢,所以決定日票慢慢玩~

荃灣好去處|位於商場 海洋探索體驗館 睇水母+爬蟲動物+任玩兒童遊戲區|80後爸B

呢日係周末,但場內唔算太多人,而展館嘅主題係水母+海洋保育,自然有好多水母可以睇。首先入到去有一大幅水母藝術裝置牆,當中水母缸有唔同嘅燈光效果,至於幅牆就有不斷轉換嘅投影背景,望落去畫面幾靚架,打卡就最啱。行入啲再有幾個水母缸,仲有水母萬花筒、水母隊道等,通通都好啱打卡架!

雖然老實講,啲佈置幾似OP水母館,不過爸爸覺得呢個展館比較有誠意,至少沿途安排導賞員同行,一邊行一邊講解~啱晒阿寶邊睇邊學海洋保育知識!

– 水母喺地球上仲老過恐龍?
– 有邊種水母係食得架?
– 點解膠袋會危害到海龜?
– 世上最大隻嘅水母有幾長?
– 原來水母唔識飽,食得多會飽死!

除咗有得睇,呢度亦有唔同互動體驗,例如喺培育室親手餵豐年蝦畀水母食,又有得戴VR裝置睇片,其中一條片跟潛水員潛水,有鯊魚喺面前游過,感覺幾特別。另外仲有MR體驗,戴另一款裝置拎住手掣「伸手」摸魚,阿寶之前未玩過,覺得幾得意~

期間限定爬蟲展覽 有接觸動物時段

至於期間限定嘅爬蟲展覽,會有蛇、龜、手宮、甲蟲等,早啲嘅參觀時間有接觸時段,不過我哋錯過咗,但係阿寶都唔夠膽掂,所以齋睇都得。最後最吸引阿寶嘅梗係兒童遊戲區,有水母滑梯、鯉魚滑梯,爬高爬低,6歲以下啱玩,阿寶可以瘋狂放電。

喺遊戲區隔離有間Café,暫時只有下午茶供應,我哋叫咗3個餐,有炸雞塊、芝士漢堡、豬肋骨,價錢、份量同出面餐廳差唔多,至於味道都唔差,職員仲送多杯飲品畀我哋,唔想周圍走嘅可以喺度食埋。

整體嚟講,爸爸之前都有預期同OP差唔多,不過呢度有導賞員講解,而且可以餵水母+睇VR玩MR,仲有埋遊戲區畀阿寶放電,感覺已經好唔同。當然,一家人嚟玩買日票都唔算平,爸爸見到有平日有限量半價2小時體驗,比較之下覺得性價比高啲。另外,呢度由港鐵站行過嚟都幾方便,經商場天橋,沿途有遮頭,可以算係一個落雨天好去處。

更多資訊:

浩海立方・探游館

地址:荃灣楊屋道88號8樓
交通:港鐵荃灣西站步行約10分鐘
更多資訊:「浩海立方・探游館」網站

按此購票

作者:80後爸B,原文刊登於「阿寶與爸B 生活日常」FB專頁

更多親子玩樂好去處:

親子餐廳|九龍灣BBQ餐廳 遊樂場免費任玩|80後爸B

室內遊樂場 |政府免費遊戲室 海洋主題/有海景/小朋友放電|80後爸B

親子好去處| 薄鳧林牧場 百年古蹟了解歷史文化|80後爸B

春季旅行|蝶豆花園農莊 3歲或以下免費入場 有 羊駝 同天鵝湖嘅花園|80後爸B


熱門文章

召集親子餅印照片.展示最強DNA | 入選100強即獲精彩禮品
媽媽谷 | 免費加入Ohpama WhatsApp group獲得最新資訊 著數優惠
復活節海外玩2024|17大復活節好去處 日韓賞櫻/大阪環球影城復活節慶典限定/特色室內遊樂場
運動嘉年華 3月限定免費入場 5大運動體驗區 +近距離接觸香港運動員+免費換領紀念品
送《劇場版 角落小夥伴 奇幻的玩具工廠》電影換票證 | 展開奇幻探險之旅

國際演出.有錢都買唔到|湯圓
送Sooper Yoo套票 | 挑戰體能+VR體驗 盡情放電
送《劇場版 角落小夥伴 奇幻的玩具工廠》電影換票證 | 展開奇幻探險之旅
送新城市廣場 x HomeSquare利是套裝 | 繩結藝術溫馨打卡賀新春
室內遊樂場︱Ryze 彈床樂園 2小時任跳任放電 平均$29/位
假日親子好去處 |荃灣新開 親子中心 室內遊樂場+打卡cafe+電影室+講故事時間
查看更多   ▸