| 日期 | 全年適用 |
深圳親子遊 ｜被譽為國內頂級大型兒童遊玩設施、擁有超過100種玩樂項目的Meland Club夢幻兒童樂園，究竟有幾特別？Blogger「護士Vi媽三小火」早前就帶小朋友前往玩樂，她的印象是「大」和「多」，「唔知幾多呎但係有幾層樓」，一個價錢入場可以玩到收舖，由下午2:00玩到7:30，仲食埋飯先走，直言應該叫做「Kill-Me-land」、「玩到命都無呀」。
人哋話Meland Club夢幻兒童樂園係2023全國熱門親子景點之一，入場後無限時任玩，玩到收鋪都得，呢個面積無3-4小時走唔甩，只是中途不離開園區（可短暫一次15min去locker拎下嘢），入得去預咗食埋飯，親子餐廳價錢比香港平，都幾好食。
場地有好多不同區域：
– 牧場區長期多人，因為有得玩揸牛奶和用奶樽餵牛牛飲奶，晚上7點後會少啲人，暫時未見香港遊戲室有得玩
– 有免費射水恐龍遊戲機，值得一讚係有個職員會守住，每完一局會請小朋友離開，給下一個排隊的小朋友玩
– 有玩水的區域，設有拖鞋和雨衣給客人，供應尚算足夠，怕孩子玩得太瘋狂可以帶多套衫
– 個繩網大到好似迷宮咁，基本上孩子入咗去，又好似入咗結界咁番唔到出嚟，想跟都跟唔到呀，繩網入邊又會有車胎瀡滑梯、跳彈床、攀石同埋星空投射房
– STEAM建築工具區都受小朋友歡迎的
– 揸軚盤控制模型車也是常滿
還有更多影唔到，而洗手間旁有BB睡覺房，訓醒又一條好漢再玩過。
要注意，無論大人和小孩都需要有防滑襪，沒有的話$5人民幣一對，要微訊支付，不能現金。我週日下午去，人流很多，但場地算乾淨，有地方儲存BB車和大型行李，大部分區有職員幫忙維持秩序，如果啲細路係小學生年紀，唔使下下跟到實，大人可以坐低休息下；年紀細的就要捨命陪君子，不過都有好多區啱玩的，例如木粒沙池，超市、醫院，積木區等等。
唯一本次體驗比較扣分的是，有啲大人會霸佔整張梳化睡覺或在兒童繪本館地板打橫瞓覺，都明白家長係疲累的，不過occupy晒整張的梳化及椅子睡覺就好似唔係咁好，這樣兒童樂園並沒有職員幫忙管理，稍遜一點。
入場票可以在香港平台即買即用，價錢已經平過香港的遊戲室或展覽。Meland有在深圳好多間，各有少少不同，我今次呢間係萬象天地的Meland，位於萬象天地3/F。
地址：深圳市南山區萬象天地3/F
交通：深圳地鐵到高新園站A出口
文章獲護士Vi媽三小火授權轉載
作者：何穎恩姑娘
更多親子好去處：
香港科學館 ｜專題展覽探索素材秘密 實體版元素週期表超好睇｜護士Vi媽三小火
室內遊戲室 ｜智樂遊戲萬象館 讓孩子主導自由自發遊戲 發揮想像力+創造力｜護士Vi媽三小火
親子好去處｜超級放電愉景灣必去 室內遊樂場 5層繩網/超斜垂直滑梯/海綿波射擊場/飛索/迷你哥爾夫球｜護士Vi媽三小火
親子好去處｜Megabox全新2萬呎室內遊戲室 Kids Kids Car 電動車+AR投影遊戲+吹氣城堡 放電一流｜護士Vi媽三小火
