| 日期 | 全年適用 |
暑假我哋都離港，近近地去深圳玩，原來而家都有幾個商場有室內動物樂園，知道囝囝超鍾意睇動物，而且呢度嘅動物都同人類好親近，除咗可以餵佢地之外，仲可以摸佢哋！爸爸媽媽咁大個人，有啲動物都係第一次接觸咋，我哋大人都覺得好新奇，更何況小朋友點會唔鍾意！
親子旅遊推介
呢度可以超近距離接觸既動物有好多，包括：豬仔、梅花鹿、草泥馬、山羊、綿羊、水豚、袋鼠、兔仔、刺蝟、松鼠、貓、鴨、雀鳥、孔雀、蜥蝪、蛇及豚鼠等等。入場門票可以上網買或者到現場購買，我哋計過現場買同網上買價錢差不多，所以選擇左現場買，入場時提供手襪及保護衣。
之後係商場食越南菜，味道唔錯，仲收香港支付寶，萬象食家好多嘢食，價錢會比出面街貴啲。之後又去埋文具玩具批發，好多嘢都好平好平，平過香港好多！其實有好多荀嘢執，我哋都買左日用品同玩具。
今次嘅住宿我哋揀左一間經濟實惠酒店，見評價唔錯，而且位置方便笋崗站行5分鐘就到。過關都好快，記得填好健康碼並預先Cap圖，可節省過關時間，大人小朋友都需要！
詳細行程可參考Youtube channel
地址：深圳市龍崗區龍城街道龍崗大道3999號龍城萬科里L3-01
前往方法：地鐵3號線龍城廣場地鐵站D出口（步行約5分鐘）
營業時間：10：00-22：00
圖文獲「My Little Wan Pig」授權轉載
更多親子好去處：
中秋好去處｜ 上水有機生態農莊 自製手作燈籠+韓燒放題+夜探螢火蟲 每位只需$286
日本超人氣貓咪 mofusand 主題café 超過50款特別美食+限量精品
