| 日期 | 全年適用 |
終於同哥哥續回鄉證，今次北上就去咗4年前到過的 深圳野生動物園 。記得之前因為柔柔仲好細個，所以只帶咗哥哥，今次終於可以一家四口齊齊玩。
我哋乘高鐵到深圳北站再轉乘的士，大約20-30分鐘就到。
成個動物園都好大，動物類型很多，想得出的如長頸鹿、班馬、羊駝、大象、熊貓、獅子、老虎、海洋生物等等都有。
絕對不能錯過猛獸谷，可以坐上麵包車用鮮肉餵獅子、老虎，係一個很有趣的體驗，不過兩兄妹就有啲驚。
我哋仲欣賞咗「馬戲小鎮」及「歡樂的海洋」，都是配合動物的表演，值得一看，更可以付費與海豚互動。
除咗睇動物，亦有不同的付費項目，好似冰雪世界，穿着大衣在冰天雪地下玩玩雪及滑梯，仲可以騎真嘅馬仔。
呢度仲有兒童機動遊戲，建議在入場時購買30元優惠套票，可以玩6款遊戲（散買的話是10元/遊戲），如木馬、碰碰車、船仔等。
動物園非常的大，光走的話會非常累，所以建議可以買小火車門票，整天通用，沿途都有站可以隨時上落車，亦可選擇自駕電動車，不過價錢都唔平。
總結：動物園有一定歴史，所以相對有點陳舊，但地方真的很大，動物數量及種類很多，大人小朋友都大開眼界，如果要每個地方都仔細行曬玩曬的話，可能一日都未必夠時間～但餐廳就真係有待改善～
記得先在優惠網站買門票，會比即場買便宜，每位成人可以免費帶一名身高1.2米以下的兒童入園。
住宿方面，我哋住喺深圳北站附近嘅戴維斯LOFT國際公寓，離深圳北站大約走6分鐘路程，不過因為呢度位處商業中心內，有點不好找，去到樓下要同管理員溝通，再去某個房間check-in，感覺比較麻煩。
不過房間確實不錯，有兩層高，非常大，下層是客廳，上層就有兩間房有兩張大床，小朋友喺間房跑來跑去已經好開心。一般梳洗用品都有提供，不過佢哋嘅叉電插頭就要付費。
而食嘢方面可以去返深圳北站，商場入面都有不同餐廳，不過就冇乜嘢行，唯一可以行吓miniso，價錢比香港平，同埋款式較多。
價錢方面，住宿連稅大約HK$1,100，不過因為嗰次book得好急，又咁岩係香港long weekend，所以價錢比較貴，我見平時weekend連稅都只係五百幾元左右。
圖文獲「四月媽媽手記」授權轉載
更多親子好去處：
深圳好去處｜室內動物園親親梅花鹿+水豚 深圳龍崗2日1夜食玩買行程
中秋賞月好去處｜ 5大 車中泊 私人收費營地推介 附裝備清單/新手小貼士
中秋好去處｜ 上水有機生態農莊 自製手作燈籠+韓燒放題+夜探螢火蟲 每位只需$286
KKday x Oh! 爸媽 室內遊樂場 大賞 2023︱荔枝角Wonder Valley買一送一 2小時任玩6大玩樂區域低至$55/位
