| 日期 | 全年適用 |
古色古香的小鎮！大人喺呢度可以打卡影相，小朋友喺呢度可以盡情暢玩。
甘味巷有好多特色小食，串燒、雙皮奶、砵仔糕、客家菜及各樣豆腐等等，街道兩旁都有好多大大小小林林總總的餐廳，好多客家小菜選擇，宵夜又有茶飲店，搵食大把選擇，仲有24小時營業嘅超市夜晚唔怕肚餓！
小鎮有好多小朋友玩意，包括有飛雪樂園、博物館、V谷樂園VR體驗、卡丁車、顛倒博物館、農場及親子商店。其中我們駕駛了卡丁車，在賽道上極速奔馳好過癮呢！小朋友玩咗兩次好開心。參觀農場有親子套票$99一大一小入場，包括有親子手作體驗及小朋友樂園。
小鎮裏面有數家酒店，住宿十分便宜。親子特色酒店，超抵住宿推薦！我地住親子大床房，房間都算幾大。小朋友入住超開心，房間包埋有玩具玩、小木馬、軟積木同露營帳幕。房間隔音好好，聽唔到隔離有聲音；浴室好乾淨光猛，仲有包埋三人牙膏牙刷連埋小朋友用具，拖鞋都包埋，物品好齊全，淋浴乳都有。大床是1.8米闊，可以同埋小朋友睡覺。由於係親子房床套係有公仔圖案，小朋友超滿足呀！房間超多空間，小朋友check in後就喺帳幕里面玩。由於酒店周圍多樹木，偶爾會有蚊，但整體房間我哋是滿意嘅。
房價仲包埋早餐，早餐就在旁邊鳳凰客家餐廳用膳，是自助餐形式，選擇雖不多但質素好。不錯的親子酒店！
小鎮打卡位超多的，夜晚又是另外一番景象，夜景跟清晨都十分美，亮了燈的古鎮更具中國色彩，街燈下拍照更美，不妨考慮假期帶小朋友到來享受一下！
詳細行程可參考Youtube channel
地址：中國廣東省深圳市龍崗區布吉吉華街道甘李路18號
前往方法：深圳地鐵10號線於甘坑站B出口（步行約10分鐘）
開放時間：24小時
圖文獲「My Little Wan Pig」授權轉載
更多親子好去處：
深圳好去處｜室內動物園親親梅花鹿+水豚 深圳龍崗2日1夜食玩買行程
深圳好去處｜ 深圳野生動物園 餵獅子老虎/海豚互動/騎馬仔/冰雪滑梯 附兩日一夜住宿資訊
