親子餐廳 ｜充滿童心布置 打卡積木公仔 食物款式多小朋友開胃｜護士Vi媽三小火

香港有不同種類的 親子餐廳 ，利用各主題為爸爸媽媽及小朋友營造愉快用餐環境。Blogger「護士Vi媽三小火」早前帶小朋友前往一間位於樂富的 親子餐廳 ，有可愛布置之餘，亦有小朋友最愛的美食，親子度過一個滿足的下午。

親子餐廳 ｜即睇「護士Vi媽三小火」介紹：

Blogger「護士Vi媽三小火」於早前特別日子，帶小朋友去親子餐廳同埋遊戲室，玩完食嘢一條龍，返屋企瞓覺開心又一天。今次帶同三火及火表妹去咗樂富的滿屋廚房，餐廳布置充滿童心，有2個巨型積木公仔打卡好可愛。而餐廳有自家出品嘅卡通人物+小賣部，座位光猛，坐得舒服。

叫咗2個午餐及兒童餐，兒童餐有肉丸、肉醬意粉、粟米、炸蟹柳、果汁、啫喱，小朋友見到多款式，胃口特別好，而食物份量亦適合孩子。成人午餐叫了漢堡餐，有薯條、沙律、特飲，沙律份量足料，漢堡的預設係7成熟，職員會溫馨提醒如果俾小朋友一齊食，可柯打全熟，而飲品有得叫珍珠奶茶。

另外餐廳新推出鹹蛋黃套餐，入面有一款雞蛋仔+奶昔，大獲好評，下午茶食就最啱啦，不過係期間限定！

「滿屋廚房 Fullhouse Kitchen 」 資料

位置：橫頭磡聯合道198號樂富廣場3203-3204號鋪
交通：港鐵樂富站
FB：Fullhouse Kitchen

文章獲護士Vi媽三小火授權轉載

作者：何穎恩姑娘

更多親子好去處：

親子餐廳 | $108包小童着韓服玩2小時Playhouse+送兒童餐

親子餐廳｜九龍灣BBQ餐廳 遊樂場免費任玩｜80後爸B

親子餐廳 ｜港珠澳首間救援小英雄POLI主題餐廳 平日$28任玩2個鐘 網上預訂低至65折｜初初媽媽