| 日期 | 全年適用 |
香港人回復常態，一如以往，喜愛旅行、喜愛住酒店、喜愛四處覓食。趁未踏入考試週，相約好友，玩盡佢！一放學快速完成功課後，就跳上金巴展開三日兩夜澳門親子遊，走過港珠澳大橋，學習就在路上。
景點逐個捉：
1. 星匯餐廳 buffet：任食厚切刺生、肥美長腳蟹、龍蝦、自製雪糕、燉湯，各式美食、應有盡有。
2. 新濠影匯室內水上樂園：澳門最刺激矚目的室內水上樂園，今年4月才開幕，以太空為主題，暢玩 16 個令人興奮激動的遊樂設施，大部分身高1.1m就可以玩，只係你夠唔夠膽玩。此外，還有同樣大型的室外園區，玩足8小時都唔夠你玩。
妹妹玩完一次迷失黑洞滑梯後….都係撤退玩番專為幼孩們設計的嬉水城堡，包括螺旋滑水道、滑梯、大水桶、雨林、水槍等。而妹妹最愛就是玩星空激流，穿上救生衣飄浮在急流中。
3. 開蓬跑車造型餐廳：新濠影滙內有很多很多的餐廳，最吸晴的一定是這間「載運美式餐廳」，以50年代的美式風格所打造，重點是店裡擺放了多架開蓬跑車造型的坐椅，而食物方面除了小朋友最愛的薯條外，還有B duck 主題兒童餐，而雪糕、奶昔當然少不了。
4. 恐龍展覽：走進2層樓高的暴龍腳下，投入恐龍世界，各恐龍以最新的造型示人，伶盜龍係有羽毛架！
1. 金巴心得：一定要帶兒童八達通，兒童票實名買，只有兒童八達通才能買到兒童票，一張兒童八達通限買一張。
2. 星匯餐廳 buffet：用餐時間6-10pm，有非常足夠的時間用餐，我們當日8pm才到達餐廳，食物供應依然充足，生蠔、魚生、長腳蟹任攞不用排，魚生是厚切的，唯一美中不足的是燉湯唔夠熱。
預訂餐飲方面，我們選擇了trip.com的package，Total $3368 2大2小。
3. 水上樂園心得：如果小朋友夠膽玩滑梯，絕對係可以玩足8小時。網站列明水温30度，但我着哂長衫都仲係覺得凍，而大囡就因為玩得太興奮完全唔覺得凍。大部分刺激滑梯小朋友都可以獨自玩，不用大人陪同，只要小朋友夠重就得。阿媽老，唔再刺激得，可以慢慢坐埋一邊等。
我們前往當日是星期六，園內滑梯大部分不用排隊，最重要係你要有腳骨力不停行上去又滑番落嚟。園內有餐廳，狂玩8小時都可以不用擔心肚餓，價錢同香港outback差不多。
最後，最最最最重要的是，建議不要穿拉鏈款式的泳衣，因為拉鏈款式不能玩滑浪。
圖文獲「工程師媽媽學堂」授權轉載
更多文章：
