免費好去處 |衛生教育互動展館 邊玩邊學/有得打卡/拎禮物|80後爸B


全年適用

免費好去處 |尖沙咀有好多嘢啱阿寶玩,今次去咗一座免費入場嘅互動展館,有嘢學有嘢玩,仲有得打卡+拎禮物,喺周末下晝去都無乜人,唔使同人逼!

免費好去處 |衛生教育互動展館 邊玩邊學+有得打卡+有禮物拎|80後爸B

展館分為室內兩層+戶外花園,主題係教育食物環境衛生,有各類互動遊戲、展板、模型;其中地下嗰層有幅互動投影牆,將髹咗顏色嘅圖案紙放入投影機,紙上面嘅圖案就可以展示喺幅牆上,而圖案可以揀清潔工人、垃圾車、洗街車等,阿寶見到牆上有自己髹嘅畫郁嚟郁去,覺得新奇又有趣!

至於地下嘅盡頭係迷你影院,有唔同嘅片畀我哋選播,雖然啲片係關於衛生教育,但都有睇頭,其中一套叫《阿德英雄傳》嘅動畫,講清潔龍阿德vs污糟龍吳德嘅故事,有劇情、有特效,又幾好睇喎~阿寶同爸爸媽媽都坐定定睇。

至於2樓有更多展板+模型,內容講食物安全、防治蟲鼠、街市公廁、滴水問題、健康生活等,不過阿寶仲未識睇字,唯有望吓模型,篤吓啲mon,再加上爸爸媽媽講解,叫做學到啲嘢。

我哋行完室內就出去戶外花園,放咗歷年嘅清潔香港大使俾人打卡,除咗有而家嘅「清潔龍阿德」,仲有平安小姐、垃圾蟲、清潔小姐…除咗第1代清潔龍,其他爸爸媽媽都只係書上面見過。

呢座展館阿寶可以睇+玩外,場內仲有得扱印仔,儲齊換小禮物;咁啱我哋仲夠鐘聽公眾衛生講座‍,聽完可以攞紀念品,今次就拎到清潔龍阿德公仔。

介紹返~呢度係衞生教育展覽及資料中心,位於九龍公園清真寺隔離,一級歷史建築嘅紅磚建築物,好易認!

更多資訊:

衞生教育展覽及資料中心

地址:尖沙咀九龍公園S4座
交通:港鐵尖沙咀港鐵站A1出口、巴士九龍清真寺站
開放時間:星期二至五、六08:45-18:15
     星期日11:00-21:00
     逢星期一、四及公眾假期休息
公眾衛生講座‍時間表:按此
更多資訊:「衞生教育展覽及資料中心」網站

作者:80後爸B,原文刊登於「阿寶與爸B 生活日常」FB專頁

更多親子玩樂好去處:

荃灣好去處|位於商場 海洋探索體驗館 睇水母+爬蟲動物+任玩兒童遊戲區|80後爸B

親子餐廳|九龍灣BBQ餐廳 遊樂場免費任玩|80後爸B

室內遊樂場 |政府免費遊戲室 海洋主題/有海景/小朋友放電|80後爸B

春季旅行|蝶豆花園農莊 3歲或以下免費入場 有 羊駝 同天鵝湖嘅花園|80後爸B


熱門文章

召集親子餅印照片.展示最強DNA | 入選100強即獲精彩禮品
媽媽谷 | 免費加入Ohpama WhatsApp group獲得最新資訊 著數優惠
復活節海外玩2024|17大復活節好去處 日韓賞櫻/大阪環球影城復活節慶典限定/特色室內遊樂場
運動嘉年華 3月限定免費入場 5大運動體驗區 +近距離接觸香港運動員+免費換領紀念品
送《劇場版 角落小夥伴 奇幻的玩具工廠》電影換票證 | 展開奇幻探險之旅

國際演出.有錢都買唔到|湯圓
送Sooper Yoo套票 | 挑戰體能+VR體驗 盡情放電
送《劇場版 角落小夥伴 奇幻的玩具工廠》電影換票證 | 展開奇幻探險之旅
送新城市廣場 x HomeSquare利是套裝 | 繩結藝術溫馨打卡賀新春
室內遊樂場︱Ryze 彈床樂園 2小時任跳任放電 平均$29/位
假日親子好去處 |荃灣新開 親子中心 室內遊樂場+打卡cafe+電影室+講故事時間
查看更多   ▸