| 日期 | 全年適用 |
相信好多小朋友都鍾意角色扮演，豬仔包都唔例外，消防員、警察、飛機師、醫生、廚師等等，我哋喺Playhouse都扮唔少，但講到豬仔包自己喺餐廳真實打工，今次確實係第一次！今次豬仔包打工嘅地方，係一間火鍋餐廳，整個打工體驗非常真實，小朋友要做嘅任務包括：
1. 親自招呼顧客入座
2. 點餐
3. 出餐
4. 收拾盤子
5. 結帳
我哋一去到餐廳，店員會帶我哋去預先安排好嘅座位，由店長派發小圍裙同店員帽俾小朋友預備開工，好有儀式感！之後喺店長帶領之下，全部小店員先排隊，向店長報上名字，然後就會得到一個號碼點紙。爸爸媽媽就扮演顧客，喺門外等待小朋友逐個出嚟招待我哋入座。
親子旅遊推介今晚煮乜好
當全部「顧客」入座之後，小店員又出去排隊，聽店長教導。由於店長係逐個步驟教小朋友，小朋友做完一個指令，先會再聽下一個指令點做，所以小朋友大部分都可以做得好好！
點完湯底同上菜後，跟住就到放飯時間，小朋友可以同家長隨意攞飲品同火鍋食品，坐低打邊爐開餐啦！我哋可享用嘅係「美國IBP牛板腱火鍋放題」，想添牛肉可以手機落單，另外亦有少量熱食選擇。辛苦打工後有得食火鍋，又有最愛嘅甜品、雪糕任食，仲可以喺個大雪櫃度自己㨂飲品，豬仔包真係食得超開心！
當我哋食飽飽之後，店長再次召集小店員，教導佢哋幫「顧客」收拾盤子，之後仲幫忙結帳，估唔到道具錢都非常像真！整個活動連放題時間共120分鐘，每一個步驟，小朋友都需要同「顧客」溝通，活動可以考驗小朋友膽量之外，仲可以訓練小朋友嘅表達能力同記憶力。
活動完結仲有小禮物同證書，而圍裙同帽仲會送埋俾小朋友添！$380包一大一小，有得玩有得食，媽媽覺得非常超值，豬仔包一踏出餐廳已經話下次要約埋同學仔再去過。
我哋今次打嘅係「暑期工」，當時得到資訊係可以自組平日嘅下午茶時段（8組起）；如果唔想自組，亦都可以先填表格，寫低可以出席時間，餐廳會再作安排，詳情可以inbox 餐廳查詢最新情況！
根據餐廳的回覆，這是與學校合作的活舫，家長可以選擇自組團，或透過學校報名。如家長希望自行組團參加活動，可以向「牛摩 Wagyu More」Facebook專頁發送訊息，將會有專人回覆。現接受10月、11月小店長申請，星期一至四（公眾假期及最後一個星期四會員日除外），日期自由選擇。自組團最少8組起。$380起／組（1家長＋1小朋友）。
荃灣千色匯分店：荃灣眾安街68號千色匯I期2樓2031號舖
電話：23208260
都會駅分店：將軍澳調景嶺景嶺路8號都會駅2樓L2-K01A及L2-039號舖
電話：23692188
新港城中心分店：馬鞍山鞍祿街18號MOSTown新港城中心(5期)2樓2724-30號舖
電話：28058393
新都城中心分店：將軍澳欣景路8號新都城中心二期2樓2060-62號舖
電話：23513381
上水廣場分店：上水龍琛路39號上水廣場5樓513號舖
電話：39984630
圖文獲「豬仔包の開心日常」授權轉載
更多親子好去處：
