深圳野生動物園 $99優惠門票玩足一日 親手喂動物+近距離觀賞大型猛獸+機動遊戲|安妮媽媽親子日記


全年適用

上個週末帶咗兩兄弟同公公婆婆一齊去深圳玩2日。喺酒店放低行李後,我哋第一站先去「 深圳野生動物園 」,坐地鐵7號線「西麗湖站」B出口,一出來行幾分鐘就到,好方便。

我哋預先喺Kkday買定門票,有$99港澳居民優惠,入場直接掃QR code,好方便!兩個弟弟未夠1.2米可以免費入場。

購票按此 

親子旅遊推介

 

著數優惠

【 深圳野生動物園 親子遊】

動物園非常大,建議大家可以租自駕電動車或小火車。因為我哋人多,租電動車要分2架,假日每架收費$120一小時,唔是咁抵坐,所以我哋選擇買小火車門票,可以全日園內任搭,沿途有站就可以隨時上落車,慳返好多腳骨力。

一入園就順方向睇動物,園區真是好大,鱷魚、長頸鹿、綿羊、袋鼠、斑馬、大象、熊貓、羊駝、獅子、老虎和海洋生物等,勁多動物!好多動物都可以餵食,每份飼料收費由$10至$50都有,我哋俾小朋友各自選擇5種動物去餵食,三兄弟都覺得好開心。

最特別是坐車參觀猛獸谷,可以坐喺鐵籠車內用鮮肉餵獅子、老虎食嘢(收費每人$50)。但當日實在太多人,要等一小時以上,我哋放棄,直接上猛獸步道參觀,同樣有趣。  

預啱時間,早小小去霸位欣賞表演,可以睇百獸盛宴、馬戲小鎮和歡樂的海洋,幾個表演都好精彩,小朋友睇得好開心。

園內也有兒童機動遊戲,建議大家入場時係門口購買$30優惠套票,可以任玩6款遊戲,三兄弟玩咗旋轉木馬、碰碰車、電動車和船仔等(每個遊戲單玩$10/次)。

園內有餐廳,我哋去咗天鵝湖區的餐廳食牛肉麵同生煎包,食物款式選擇都多,味道也ok。

動物園雖然有一定嘅歴史,設施相對舊啲,但園內有好多唔同種類嘅大型動物,又可以俾遊客付費餵食,又有表演睇,也有一些兒童遊樂設施,真食可以玩足一整日,大人小朋友都會覺得開心。

大家記得預先購買門票,有港澳居民$99優惠,比現場買票平好多呀!每位成人可以免費帶一名身高1.2米以下嘅兒童入園。

深圳野生動物園詳情

地址:深圳南山區

開放時間:09:30-18:00

購票按此 

—————————————

歡迎連絡安妮媽媽:

Facebook專頁: 安妮媽媽親子日記

IG: @Annie_mama_diary | 安妮媽媽親子日記

E-mail : AnnieMamaDiary@gmail.com

作者:安妮媽媽親子日記

其他文章:

親子好去處│ 感覺去了外國旅行一樣 @ 愉景灣酒店 |安妮媽媽親子日記

韓國親子遊│韓國一天遊。穿韓服漫步景福宮 |安妮媽媽親子日記


熱門文章

召集親子餅印照片.展示最強DNA | 入選100強即獲精彩禮品
媽媽谷 | 免費加入Ohpama WhatsApp group獲得最新資訊 著數優惠
復活節海外玩2024|17大復活節好去處 日韓賞櫻/大阪環球影城復活節慶典限定/特色室內遊樂場
運動嘉年華 3月限定免費入場 5大運動體驗區 +近距離接觸香港運動員+免費換領紀念品
送《劇場版 角落小夥伴 奇幻的玩具工廠》電影換票證 | 展開奇幻探險之旅

珠海親子遊 | 星奇塔無動力世界 5層高攀爬樂園/欣賞古代煙花「打鐵花」
珠海親子遊 2日1夜超抵玩套餐 酒店套票包遊樂場+動物園+溫泉 一家四口入住1,500蚊有找
深圳親子遊 | 彩虹星球遊樂園 超過30項遊樂設施 彩虹滑道/粉紅色沙池/3層迷宮滑梯
泰國親子遊 |芭提雅Miffy Cafe Miffy公仔造型食物性價比高+裝修風格打卡一流+任玩波波池
珠海親子遊|長隆歡樂世界 120cm以下小孩天堂 兒童版機動遊戲/魔術表演
高雄親子遊 | 恐龍探索樂園 6米高暴龍超吸睛 過山車/摩天輪/海盜船 $125玩足全日
查看更多   ▸