| 日期 | 全年適用 |
室內卡丁車 ｜估唔到喺深圳玩2日1夜，節目可以咁豐富！上篇介紹了我哋第一個行程係去深圳野生動物園，玩足一整日。
相關文章：深圳野生動物園 $99優惠門票玩足一日 親手喂動物+近距離觀賞大型猛獸+機動遊戲｜安妮媽媽親子日記
富二代一直被爸爸灌輸「家中欠很多債」?今日靚湯
去完動物園，我哋就出發去酒店附近嘅「萬象食家」食晚飯。萬象食家成個商場8成都係食店，有好多推介餐廳，我哋選擇咗「湊湊火鍋‧茶憩」打邊爐，必食海鮮、牛肩胛，牛味濃，肉質軟稔，仲要飲大紅袍珍珠奶茶，大大杯，茶底香濃，好好飲！呢餐真心推介，我哋個個都食到好滿足！
我地當晚入住「深圳羅湖盛業逸扉酒店」，book左2間雙床房，房內環境舒服乾淨，2張雙人床都算大，2個大人瞓唔會覺得逼。酒店附近就有兩個大商場，距離地鐵站5分鐘路程，好方便！
第二日我哋主要係「寶能環球匯（羅湖店）」玩，呢個商場好大，餐廳有好多選擇，有網紅書店「句象書店」，飲品店和麵包店都有齊，仲有好多小朋友嘅玩樂設施，室內兒童遊戲室、電子遊戲機、手工藝店、夾公仔店、卡丁車等，可以玩足一整日。
去到商場先上三樓「一號卡丁」玩卡丁車，$78可以玩十圈，我哋買8次套票，會再平啲。小朋友可以自己揸車，店員手上也持有控制器，在適當嘅時候會控制速度、也會幫忙剎車，每人也需要帶上安全帶和頭盔，好安全，我哋個個都玩得好盡興！
Lunch是人氣北京烤鴨店「京味張」食片皮鴨。片皮鴨好香嫩有肉汁，配埋山楂條一齊食非常好味，我哋8個人都食唔晒一隻鴨。其他小菜份量都好足，京都肉餅、烤羊肉都好正！
我哋食飽再去四樓「極客森超樂場」玩，場內專玩電動遊戲。我哋買咗套票，$0.5一個幣，每個遊戲都唔貴，大部分只需要3-4個幣，有電動車、射搶、跳舞機、打鼓機、夾公仔機等，好多選擇。我哋玩咗2個幾鐘都只是用左300個幣，好抵玩！
臨走前再去買麵包做聽朝早餐，呢2日1夜玩得好盡興，食得好滿足，最開心係可以同最愛嘅家人一齊玩！
—————————————
歡迎連絡安妮媽媽：
Facebook專頁： 安妮媽媽親子日記
IG: @Annie_mama_diary | 安妮媽媽親子日記
E-mail : [email protected]
作者：安妮媽媽親子日記
其他文章：
