日期 | 全年適用 |
作為南區友、小島居民,南區終於有 playhouse 啦,仲要近屋企,又係商場入面,超方便!
以宇宙主題嘅playhouse,入面有個大波波池,有超多波波,仲有好多大彈彈波,太空人、火箭公仔,上層有唔同嘅障礙,訓練大肌肉,通過難關就可以去到滑梯位置,超好玩!另外仲有大空主題嘅充氣彈牀、木粒池、彈彈牀、廚房、彈彈鹿、搖搖馬、Lego 枱同其他小玩具!
室內遊樂場佔地二千幾尺,設施種類多,小朋友玩到唔捨得走,南區友得閒落嚟玩一個鐘都夠放電,而且每個鐘計,當然買套票就最抵啦!有4款套票可以揀,我都即時買咗平日嘅套票,一千蚊左右有20次,仲要唔是計單一小朋友,逐次扣,我有3個小朋友就超抵,除返開一個鐘都係$55蚊!
圖文獲「Kami 嘉美‧麥皮b Li 爸媽」授權轉載。
更多親子好去處: