飛機喺頭頂低飛降落舊啟德機場嘅噪音震動，相信除咗小朋友外，好多年輕嘅父母都未必感受過，星期日我哋就行咗去啟德新商場AIRSIDE睇名叫「想飛」嘅航空展覽，俾Asher認識一下舊啟德機場。
即睇展覽照片：
「想飛」展覽分為「起飛」、「翱翔天際」同「降落」三個部分，展出咗舊機場照片、設計圖、旅遊海報、雜誌封面、旅行袋等超過200件展品，另外仲展出咗唔同媒介嘅藝術作品，包括影像、裝置同互動設計，當中最有趣喺透過前方同頭頂上嘅影片，模擬身處九龍城體驗飛機降落一刻。
另外，AIRSIDE地下仲展出咗單引擎小型飛機「小獵犬100型」，可以近距離觀察呢架歷史性嘅飛機，都係一個唔錯嘅體驗。
地址：AIRSIDE商場2樓中庭及3樓GATE33藝文館、地下G/F
交通：港鐵啟德站C出口
開放日期：即日至11月12日
免費參觀
圖文獲為食爸爸與Asher的親子日常授權轉載
其他閱讀：
中電鐘樓文化館 ｜互動裝置/遊戲+沉浸式體驗+第五代山頂纜車 認識本港電力發展歷史+打卡一流｜為食爸爸與Asher的親子日常
銅鑼灣親子餐廳 大型粉色波波池+釣魚水池+磁鐵積木 專為2歲以下幼兒特設遊戲區 ｜為食爸爸與Asher的親子日常
