| 日期 | 全年適用 |
澳門親子遊 ｜Blogger「有個過度活躍媽」經常帶小朋友到 澳門 放電。除咗室內遊樂場、科學館、水上樂園，佢更加鍾意帶仔仔去免費 公園 放電，人流相對香港較少，遊樂設施新凈，還有超抵玩兒童電動車！《Oh! 爸媽》整合blogger多篇 澳門 遊記，為各位爸媽推介5大澳門 公園 ，周末不妨帶小朋友去玩一轉喇！
富二代一直被爸爸灌輸「家中欠很多債」?
一去到，真係「嘩」咗一聲！幾組大型遊具，仲要非常新淨、夠高、夠挑戰性，好好玩。好玩過playroom，仲要免費，又無限時。
除咗大型遊具，仲有免費碰碰車，我哋無預約，第一晚和第四日早上去，大約排15分鐘左右有得玩。哥哥可以自己玩，細佬就要我哋大人抱住玩，兩個仔都勁鍾意、勁開心，玩得勁high。
澳門 公園既配套設施真係好好，有小賣亭、親子廁所、哺乳室。如果去澳門玩，只能夠去一個公園玩，必選觀音像海濱休憩區！活躍家覺得觀音像海濱休憩區完全完勝香港任何一個公園。
小貼士：
1.去觀音像海濱休憩區可以安排埋去澳門科學館，就喺旁邊。
2.觀音像海濱休憩區遊樂場部分和碰碰車均可預約，不過需要有澳門電話才可預約，最早預早3天預約（預約按此）（碰碰車每晚12點會update三日後既預約，我見到幾分鐘就滿晒）。
澳門最好玩嘅公園，莫過於觀音像，排第二，個人認為係林茂，有好高的滑梯（應該有3-4層樓高），香港都好似比較難有咁高嘅滑梯。公園內又有頗大嘅沙池，旁邊都有洗腳地方，公園設備齊全，有洗手間，欣賞有親子廁所。
比較普通、面積相對細嘅公園，有我兩個仔好鍾意嘅倉鼠籠，又有比較高嘅滑梯。公園最吸引嘅，當然係兒童電動車場（對象: 3-6歲小朋友）。我兩個仔一見到可以駕車，即刻兩眼發光，哥哥6歲，仲可以玩，其實都頂腳，不過都玩得勁開心。對於媽媽嚟講，價錢非常抵，香港幾十蚊玩15分鐘，呢個公園只係葡幣$5/15分鐘。俾小朋友玩咗兩轉，即使係紅日，都唔洗點等就有得玩。
相對於觀音像、林茂塘，白鴿巢就比較細，當然，人流都比較少。白鴿巢公園分開左右兩邊，左邊相對比較適合細少少既小朋友玩，如果去開附近，都不失為一個可到嘅公園。
環境優美、成個感覺好舒服嘅公園。佢分A、B區，由B區行去A區大約10分鐘，B區近住澳門外港碼頭，行過去10分鐘左右。水塘公園個環境真係好好，環繞住澳門水塘，B區仲有個小食亭。我哋玩咗陣，又買啲小食、飲品，望住個水塘，幾舒服。
圖文獲有個過度活躍媽 授權轉載
其他文章：
