| 日期 | 全年適用 |
深圳放電好去處 ｜ 終於去咗 深圳 「 Meland 夢幻兒童樂園」玩喇！我地平日去，好少人。 Meland 喺 深圳 有好多間分店，每間都有少少唔同嘅野玩，我哋今次選擇領展中心城分店，一個價錢可以全日任玩，也可以自由出入。（唯一唔方便嘅係場內無洗手間。）
領展中心城Meland可以係落馬洲過關，坐 深圳 地鐵四號線到會展中心站落車，行幾分鐘就到，好方便。
一入場最吸引嘅係超長旋轉滑梯，速度真係好快，哥哥話好刺激。消防局有得玩射水救火遊戲，又有得騎電子馬仔。模擬超市和廚房設備齊全，有超多食物和廚具，兩個仔玩咗勁耐。仲有木粒沙池、積木區、化妝區、攀爬區、跳彈床、射籃球和多組滑梯等。
另外Meland 有好多分店，如果係Meland Club會更大更多嘢玩，下次要去體驗下先！
安妮媽媽溫馨提示：大人小朋友也必須穿著有膠粒的防滑襪，入場會檢查，現場可以即時購買，人民幣$5一對。
歡迎連絡安妮媽媽：
Facebook專頁： 安妮媽媽親子日記
IG: @Annie_mama_diary | 安妮媽媽親子日記
E-mail : [email protected]
作者：安妮媽媽親子日記
其他文章：
深圳兒童探索館 6大主題玩樂設施 扮演消防員/地鐵維修人員/賣腸粉/寵物醫生 仿真大漁船玩捕魚｜安妮媽媽親子日記
