深圳兒童探索館 6大主題玩樂設施 扮演消防員/地鐵維修人員/賣腸粉/寵物醫生 仿真大漁船玩捕魚|安妮媽媽親子日記


全年適用

好有驚喜呀!呢間位於深圳婦兒大廈內的「 深圳兒童探索館 」勁好玩,足足有兩層,一個價錢就能全日任玩,仲可以自由出入,玩到攰出去食飯休息下,唞夠再入場繼續玩。

親子旅遊推介

 

著數優惠

「深圳兒童探索館」分成六大主題,館內面積非常大,玩樂設施多元化,我哋當日仲有消防安全示範,小朋友也可以參與其中,兩個仔勁開心。 

一入場兩兄弟就被活力城市吸引:喺腸粉店賣點心腸粉,扮寵物醫生照顧小動物,做消防員救火,最特別係扮地鐵維修人員,真係好似置身於隧道一樣!

館內有一座大型的攀爬設施,仲有條超長滑梯,好受小朋友歡迎。仿真大漁船真係有得玩捕魚卸貨,開動機關就能搬運貨品,考驗手眼協調。

感官小屋有唔同的光影效果,有一些豆袋沙發,父母可以坐低休息,望住小朋友係旁邊玩。

當然唔少得專為0-3歲低幼齡小朋友設立嘅親親寶貝遊戲區,全區都有厚墊保護,也有母嬰室,方便小朋友換片飲奶,好貼心。

值得一讚嘅係,每個遊戲區都有工作人員睇住小朋友嘅安全,也會溫柔提醒小朋友玩樂嘅守則。洗手間好乾淨,有提供拖鞋。

我同爸爸都覺得呢度比起一般嘅playhouse 更好玩,而且可以邊玩邊學習,好值得帶小朋友嚟體驗呢!

安妮媽媽溫馨提示:記得提前在「婦兒大廈」網上預約,每日有限額!大人小朋友也必須穿有膠粒的防滑襪,入場會檢查。

深圳兒童探索館 詳情

地址 : 福田區景田路78號婦兒大廈內

交通:深圳地鐵景田站B出口

—————————————

歡迎連絡安妮媽媽:

Facebook專頁: 安妮媽媽親子日記

IG: @Annie_mama_diary | 安妮媽媽親子日記

E-mail : [email protected]

作者:安妮媽媽親子日記

其他文章:

深圳親子遊|羅湖商場1日遊 體驗兒童版 室内卡丁車 +抵玩機動遊戲 推介打邊爐/食片皮鴨|安妮媽媽親子日記

深圳野生動物園 $99優惠門票玩足一日 親手喂動物+近距離觀賞大型猛獸+機動遊戲|安妮媽媽親子日記


熱門文章

免費遊樂場|市區全新海洋遊樂場!巨型八爪魚 攀爬 塔+4大趣味設施登場
媽媽谷 | 免費加入Ohpama WhatsApp group獲得最新資訊 著數優惠
日本親子遊|東京 麥當勞 職業體驗:入真實廚房DIY兒童餐 只需港幣$50!
全港遊樂場|48兒童遊樂場推介 攀爬設施+可愛造型|親子好去處 (不斷更新)
全港首屆 夾公仔 大賽 無限代幣任夾8分鐘 逾10萬隻Chiikawa/迪士尼公仔 有機會贏iPhone 16!

迪士尼郵輪 探險號亞洲首航 船票開賣!即睇7大主題區+房型價格
日本親子遊|東京 麥當勞 職業體驗:入真實廚房DIY兒童餐 只需港幣$50!
沖繩親子遊|尋找隱藏在美國村的 寶可夢 |安妮媽媽親子日記
珠海親子遊 |巴士直達親子酒店 探訪海洋動物/室內室外大型機動樂園 多款親子套票優惠!
全球第3座哈利波特主題樂園 佔地53000平方米 2027年上海開幕
泰國親子遊 |親子觀光農場之小農夫體驗 餵雞/撿雞蛋/落田插秧
查看更多   ▸