| 日期 | 全年適用 |
北區室外遊樂場 ｜大西北好去處，終於都去到呢個 北區 室外 playground 啦！
呢個 playground 話大又唔算好大，但話細又唔算細，總之放學後嚟放下電就一定夠玩啦。
當日我就大約4點左右嚟到，當時太陽都曬到大半個場，玩起上嚟都真係有啲熱。不過聽日溫度會開始下降，所以我諗呢個問題又唔係大問題。萬一真係熱，其實商場內都仲有其他設施可以玩，如冒險樂園，$6一次的玩具車等，過完冷河再去玩就OK啦。
整個playground大約分成4大部分，由左至右：
1.繩網陣 + 轉轉椅 + 360度大滾筒
呢邊算最唔曬，有一張孤單的轉轉椅同一個幾新奇的360度大滾筒（注 : 120CM以上先可以玩，我玩完先睇到）。至於鮮藍色的繩網陣就適合坐唔定嘅小朋友，可以訓練下平衡力。
2.盪韆鞦+粉紅滑梯組合
有小朋友每次見到都會排隊盪下的韆鞦，同埋適合年紀比較細的粉紅滑梯組合。
3.彈彈轉轉櫈 + 大型攀爬架
中間個轉轉櫈，想轉幾快由自己控制，只要你唔暈同唔驚。再到適合大少少小朋友嘅攀爬組合，有滑梯，有透明隧道，有獨木橋，追嚟追去都幾好玩，亦係玩得最耐。
4.綠色直昇機
最尾有好搶眼的巨型直昇機，想開飛機定玩滑梯，定過獨木橋都滿足到你。
圖文獲「浠姐、小肥滺與金仔」授權轉載
更多親子好去處：
