深圳親子遊 | 麥當勞主題公園BFF麥麥小鎮免費入場 蘋果樹/薯條大道/長滑梯 附交通及預約方法 | 聖誕好去處2023


 麥當勞主題公園  | 今次係媽媽第一次自己一個人帶豬仔包北上玩,所以㨂咗比較近深圳地鐵沿線嘅地方去玩,深圳華僑城嘅「O·Power文化藝術中心」,由麥當勞與國際著名設計師Verdy合作,創造名為「BFF麥麥小鎮 」嘅 麥當勞主題公園 ,地鐵號綫「僑城北站」B出口,往後直行5-7分鐘就到,非常方便。

BFF麥麥小鎮

一入到「 麥麥小鎮」,已經見到麥當勞叔叔、漢堡神偷、滑嘟嘟同小飛飛迎接我哋。豬仔包未打卡已經急不及待衝上樓梯去玩了。「 麥麥小鎮」分為「戶外打卡區」與「 室內開心劇場」2個區域。

室內開心劇場

室外部分無需預約,室內部分則需要提前在「麥當勞」微信小程序或麥當勞APP預約,分為09:00-15:00,或15:00-21:00兩個時段,沒有預約亦可現場排隊等待入場。由於去到嘅時候烈日當空,媽媽豬仔包決定先進入室內嘅部分。入面有打卡區,免費印畫,即影即有拍照,仲有「麥麥小鎮手冊」售賣區。

麥麥小鎮手冊

戶外打卡區

我哋轉去買「麥麥小鎮手冊」,一套人民幣89.9,除咗手冊仲有一張換領「麥麥小鎮派對餐」嘅coupon。只要根據手冊内各區任務,完成便可找在場工作人員蓋1個印章,集齊指定印章,可以換領禮物,集齊6個印章仲可以抽獎,有機會抽取麥麥顯眼包同其他周邊商品。

6個集章點包括:

甜筒很滑板廠

薯條大道

漢堡工廠

蘋果樹廣場

麥當勞叔叔長椅

室內開心樂園劇場

生日派對屋

 

我哋周圍打卡影相攞印章,玩得非常開心。小朋友印齊6個大印章,就會變成一幅彩色嘅麥麥小鎮畫,豬仔包好鍾意,第一次係印響手冊,第二次玩就係工作人員派嘅卡上面印,估唔到簡單幾個印,印好又真係幾靚,小朋友好有滿足感。極速完成任務就回到「麥麥兌奬處」換領禮物同抽獎,雖然只抽中磁石貼,但豬仔包同樣開心。

兒童遊樂場+長滑梯/繩網/小搖椅

戶外園區除咗有好多集章同打卡點外,仲係一個兒童遊樂場嚟,有長滑梯、繩網、小搖椅等。媽媽好欣賞園區設計,要上去玩長滑梯,可以走長樓梯、旋轉樓梯、繩網或攀爬架,咁多方式可以上去,不單可以迎合不同年齡小朋友需要,仲可以比小朋友不同排戰,以不同方式去玩。 豬仔包淨係玩長滑梯都玩到唔捨得走,極速放哂啲電。其實除咗免費區域,仲有自費區域,包括旋轉木馬、蹦蹦雲同小鎮淘金,但媽媽覺得性價比不高,我哋就冇玩。

天鵝湖麥當勞餐廳

玩完一輪,係時候食嘢補充吓體力,現場其實有麥麥餐車售賣雪糕同飲品,但我哋買麥麥小鎮嘅手冊時係有一張「麥麥小鎮派對餐」嘅coupon,當然要兌換咗先。

兌換地點係「天鵝湖麥當勞餐廳」,位置響麥麥小鎮對面商場,行5-7分鐘就到。不過餐廳裡面人山人海,所以都要等吓位。 餐券可以兌換一份麥樂雞開心樂園餐,再加一份四宮格小食盤,真係食到飽飽,有得玩有得食仲有禮物,真係好抵。唯一係餐點唔包飲品,只有一盒兒童餐嘅牛奶,我哋要自己排隊再買飲品。

 

BFF麥麥小鎮

活動日期:2023年11月29日(週三) – 2024年1月2日(週二)

位置:O•POWER藝術文化中心 深圳南山區華僑城香山東街19號

門票:免費/需提前在「麥當勞」小程式預約

交通:地鐵2號線僑城北站B出口步行

作者:豬仔包の開心日常

其他文章:

全新 室內遊樂場 |Sparkles Playhouse 低至$50/位 觀塘港鐵站1分鐘步程 120分鐘暢玩波波池/沙池/發光鋼琴滑梯/彈床

聖誕好去處2023 |24大節慶活動合集 藝術工作坊/商場打卡/嘉年華/開篷巴士睇燈飾 |不斷更新


熱門文章

Oh!爸媽講座: 兒童濕疹|集中西醫營養師攻略.免費登記
參觀麵包廠 ︱暑期限時優惠!2小時麵包製作體驗$288/位 送曲奇餅+參與證書
澳門親子酒店 10大推介
媽媽谷 | 免費加入Ohpama WhatsApp group獲得最新資訊 著數優惠
玩具圖書館 免費玩5大主題區認識情緒 適合8歲及以下小朋友 附預約方法

日本親子遊|沖繩南部超靚海景打卡位 巨型鞦韆+心型吊鐘 逛獨有手信市場
澳門親子酒店 10大推介
韓國親子遊| 首爾KidZania 6大攻略
台中親子遊|放電首選8大免費 室外遊樂場 超長滑索/戲水樂園/巨大遊戲塔
深圳親子玩水 必去!幼齡版水上樂園 |護士Vi媽三小火
越南親子遊|8個 峴港親子 度假村合集 兒童設施齊全 五星級度假選擇
查看更多   ▸