| 日期 | 全年適用 |
Blogger初初媽媽最近帶小朋友北上到 珠海 度過兩日一夜，從香港出發2小時就抵達，入住環境舒適的五星級親子酒店，樓下直通商場有3大遊樂場，包括由美國國家地理授權的遊樂場、超大型彈床樂園、真實刺激的VR主題樂園等，大人同小朋友都玩到唔願意走。目前酒店推出住宿優惠，2日1夜連遊樂園門票，兩大兩小，人均只需不到300蚊！
立即睇睇Blogger嘅2日1夜遊記：
今日熱話名人育兒心得
五星酒店親子兩日一夜行程
Day1：珠海橫琴凱悅酒店〉橫琴國家地理探險家中心〉酒店公園遊樂設施+悅趣營〉商場夾公仔機（西北隆蘭州牛肉麵午餐+酒店自助晚餐）
Day2：Pokiddo口袋屋蹦床公園·大型彈跳迷宮 +人肉零食機〉獅門娛樂天地·超逼真刺激VR〉卡丁車（愛尚牛鼎記牛肉火鍋》COCO都可茶飲午餐+山度士漢堡晚餐）
全新親子放電好去處：全球第三間由美國國家地理授權嘅遊樂場，打卡放電，實行玩樂中學習！呢度有多達15項親子互動體驗設施，高科技VR /AR/ 4D結合室內娛樂中心，我哋玩咗：
VR坐太空船： 360度全景非常逼真，張凳仲會搖晃、有風吹過，幾好玩！
用手推沙池創造山脈同河流：好得意！推高啲沙就變咗一座山，挖條坑出嚟就變咗河流，好神奇好靚！
坐潛艇探險海底世界：呢個係有啲刺激，行入一個類似升降機入邊嘅模擬潛艇，會震盪、會有噴煙。畫面是潛入海底，感覺好似，比較細膽嘅小朋友可能會有啲驚。
考古挖掘恐龍骨頭：跟住螢幕嘅提示搵返適合嘅恐龍骨頭，撥開決明子沙粒就搵到喇！
學動物跳舞：呢個超搞笑，可以一家人一齊玩，勁開心。
同動物鬥快：每次嘅動物都唔同，睇吓同邊隻動物鬥快？比小朋友放電啱晒，跑多兩個圈先！
歴奇攀爬：哥哥玩慣咗攀爬，話咁易就行返落嚟，入面有啲關卡，例如行橋爬窿等。
畫畫工作坊：妹妹最鍾意畫畫啦，今次主題係關於海洋生物。
遊樂場內有一間輕食Cafe，漢堡包薯條、飯意粉都有。門票無限時玩足一日，因離開場地後不可重新入場，有嘢食都唔怕小朋友肚餓！
*留意部份遊戲有高度限制（身高99厘米或以下的兒童可免費入場）
必玩人肉夾零食機！呢度唔係普通遊樂場咁簡單，4000 ㎡超大型彈床公園，大人細路都可以盡情玩！
超過30項遊樂設施，有歴奇攀爬、抱石區、布袋瀡滑梯、空中打鞦韆、空中滑索、超多彈床、大型彈跳迷宮、波波池、繩網攀爬、彈床籃球、水泡雪滑梯、平衡彩虹橋、旋轉躲避、蜘蛛網、海綿池⋯⋯超多嘢玩，照顧唔同年齡層需要！
布袋瀡滑梯：超快速沖落嚟，勁刺激
水泡雪滑梯：呢個又係勁好玩，成個飛起，超級速度感
綜藝節目都見過嘅平衡彩虹橋：旋轉躲避，都好好玩！
蜘蛛網：哥哥跳彈床跟住彈上去黐實，完全郁唔到。
妹妹都有好多啱玩㗎！超長嘅瀡滑梯、波波池、彈跳迷宮、繩網鞦韆……一齊跳彈床好開心！哥哥同妹妹都係玩到滴晒汗㗎！
全球首座獅門影業國際電影主題樂園，結合VR、AR、動態捕捉互動遊戲技術、裸眼3D技術等高端娛樂科技，打造了逾30項遊樂設施，以六部風靡全球嘅電影作為場內設施背景故事，包括《飢餓遊戲》、《吸血新世紀》、《埃及神戰》、《分歧者》、《非常盗》和《逃亡大計》。
室內共有四層，佔地22,000平方米，可以免費入場打卡影相。七大遊戲項目體驗全部有高度限制，有套票或者單項遊戲票，要玩先買飛。呢度比較適合大人或者高小兒童玩，太真實刺激，細膽啲都玩唔到！
好多電影場景可以打卡，亦有免費小遊戲玩。兩兄妹玩咗係神鏡前變身埃及神化身，小朋友最鍾意玩跟住動作郁動，同埋喺金字塔玩尋實之旅
4F貝拉探秘：小火車夠90cm玩得。呢個原來都有啲冒險feel㗎，妹妹都睇到有少少緊張。坐小火車360度騎乘體驗，3D畫面同螢幕，還原聲、光、電、霧效果嘅全方位高度沉浸式體驗！
4F午夜追逐：全球首創多人互動VR電單車模擬器騎乘體驗，爸爸話好刺激好好玩，夠1.4m以上可以玩。
3F深谷勇者挑戰：呢個勁正！巨型室內攀爬繩索陣，佔地570平方米，垂直高度分兩層，夠1.25米高先玩到第一層，夠1.5米玩第二層。
3F永恆之戰：超級刺激！全球首創以虛擬實境(VR）技術室內過山車，最快速度達到每秒10米！夠1.3m以上可以玩
2F極速追擊：戴上3D眼鏡感受模擬駕駛（戰車＋戰機）冒險歷程，哥哥話好刺激。夠1.1m以上可以玩
我哋入住珠海創新方橫琴凱悅酒店，是五星級親子酒店。
入住40㎡客房，好新淨，房間闊落，好舒適，係我最鍾意嘅木地板。感覺乾淨，燈光夠光猛，景觀非常開揚，一望無際。床褥好舒服，無異味，有大浴缸小朋友可以玩水，另可加BB床、提供兒童牙刷、拖鞋、浴袍、企凳等。窗簾係全遮光，天光都唔知呀，非常適合親子，我俾超級滿分啦！
另外酒店設有太空親子房非常唔錯，如果一家大細加埋長老去仲有連通套房！泳池原來有室內暖溫池、BB玩水池，冬天都可以游水，再行前啲就係悅趣營室內遊戲室，有攀爬繩網同小遊戲玩，出戶外仲有個公園兩層遊樂設施，哥哥同妹妹玩到唔肯走呢！酒店樓下直通商場，可以大玩三個遊樂場。環境舒適休閒，最重要是人流唔多，非常適合新手/初次返去玩嘅朋友仔！
哥哥真實評價：「媽媽我覺得好開心呀，呢度樣樣嘢都好好玩，全部嘢都好好食，我下次要再嚟過呀！」
我哋乘坐環島中港通直通巴，由太子上海街出發，只需90分鐘車程，連埋過香港同大陸關口嘅時間，全程都係兩小時。我哋9點上車11點就到創新方門口，非常快捷！
座位有限，記得訂定車飛先！購買車票按此
文章獲初初媽媽 ChochoMama授權轉載，優惠內容或不時更新，詳情請向店方查詢。
更多親子好去處：
