好高興去咗「 黃金海岸酒店 」玩呀！
我哋入住豪華海景雙床房，一入房就見到無敵大海景，房型空間夠大，有兩張雙人大床，2大2小一齊瞓都好闊落，有浴缸和整體乾淨舒服。自助早餐款式豐富，中式和西式都有。即製奄列煎蛋熱辣辣，好好味，粥粉點心和即煮湯麵都有齊，食得好滿足。
黃金海岸酒店有好多小朋友玩樂設施。
當中小火車最吸引，可以喺靚靚花園內搭乘，住客每位$40 （非住客$60），小朋友會覺得好開心。
酒店內遊戲室「鯊魚島冒險島」需要付費玩，酒店住客係HK$75 /45分鐘（一大一小），略嫌時間太短，小朋友玩到唔捨得走。仲有Aidan鍾意嘅飛天鋼索，都係需要付費，唔係好高，哥哥話幾快幾刺激！
酒店行去黃金海岸沙灘只需2-3分鐘，落去玩下沙，散散步都幾寫意。另外仲有泳池、滑梯和兒童嬉水區，但天氣太凍，我哋就無去游水喇。
第二日Check out後我哋再去黃金海岸酒店廣場嘅「Jumptopia™ 小小環球美食家 (香港站)」玩，5座超巨型充氣彈跳城堡真係放電首選，幾個小朋友玩到勁開心！
黃金海岸酒店真係好適合帶小朋友嚟玩，家長們完全唔需要煩惱有咩玩，只需要擔心夠唔夠時間玩，期待下次再嚟玩呀！
—————————————
歡迎連絡安妮媽媽：
Facebook專頁： 安妮媽媽親子日記
IG: @Annie_mama_diary | 安妮媽媽親子日記
E-mail : AnnieMamaDiary@gmail.com
更多好去處推介：
工展會2023/2024 ｜必掃激抵$1／1折特價優惠 附3個免費入場攻略｜ 工展會懶人包
AIA嘉年華2023 門票優惠｜2大1小連27枚代幣 低至$125/位 逾25款機動遊戲＋30個攤位＋世界級雜技表演
龍年行大運｜新春開篷巴士 行大運燈飾巡禮 早鳥優惠$98/位
毛公仔DIY工作坊 ｜製作專屬毛公仔 年滿3歲可參加 只需$94.5/隻
