| 日期 | 全年適用 |
深圳親子遊 ｜前幾日快閃深圳一天遊，朋友帶我哋去咗「深圳貝爾自然探索樂園」，估唔到會咁有驚喜呀！有電子遊戲機、小動物、遊樂場、美人魚表演、魔術表演、撐船仔和卡丁車等，好多嘢玩！
今日靚湯富二代一直被爸爸灌輸「家中欠很多債」?
「深圳貝爾自然探索樂園」位於南山區海上世界，入場門票有分3小時和全日任玩。我建議買全日票，因為可以自由進出，又包一節手工。
我哋由一樓開始玩，先去玩保齡球、射籃球、多款電子遊戲全部任玩，大人可以唱K和掟飛鏢，仲去睇美人魚表演，小朋友會覺得幾新奇。 同一層仲有個運動樂園，有刺激的滑道、彈床、波波池，小型飛索和歷奇活動等，放電一流！
二樓喺我哋逗留最耐嘅一區，可以近距離接觸小動物，而且好多小動物都有得餵食，一次過見哂羊駝、小鹿、兔仔、豚鼠、浣熊和鸚鵡等，小朋友就最開心。
兩兄弟好鍾意係兒童樂園沙池玩，也有長滑梯，大人可以坐喺旁邊休息下。
大家記得要上三樓玩卡丁車，3歲以上就可以玩。場地都算大，幾個小朋友玩完一圈又一圈，值回票價！仲有得撐船仔，不過水池無工作人員在旁協助，小朋友上落船仔要扶實啲。（同埋水池水質好污糟）
全日票包一節手工，我哋都有去手工區揀左「恐龍化石」去玩，裝備好齊全，仲好細心提供圍裙和護目鏡。
溫馨提示：部分遊戲設施需要着防滑襪，大人小朋友也需要，記得準備喇！（現場也有提供$10一對）
—————————————
歡迎連絡安妮媽媽：
Facebook專頁： 安妮媽媽親子日記
IG: @Annie_mama_diary | 安妮媽媽親子日記
E-mail : AnnieMamaDiary@gmail.com
作者：安妮媽媽親子日記
其他文章：
