深圳親子遊 11個好去處推介:遊樂場/滑雪場/動物園/全球最美書店/油畫體驗/客家古鎮


全年適用

深圳親子遊 |  深圳好去處非常多而且交通方便,唔少爸媽周末及節假日都會帶小朋友北上度假,可以嚟一個快閃 深圳一日遊 ,亦可以選擇價格相宜的酒店,2日一夜慢慢嘆!今次為大家精選11個 深圳親子遊 好去處,有寓教於樂的遊樂場、親親小動物的野生動物園及室內動物園、深圳最大的滑雪場、DIY體驗的油畫村、古色古香的客家小鎮!即睇以下多位blogger的詳細遊記:

今日靚湯

 

今日熱話

深圳親子遊 一日遊室內好去處:

1. 深圳兒童探索館

位於深圳婦兒大廈內的「 深圳兒童探索館 」,一個價錢全日任玩。探索館分成六大主題,館內面積非常大,玩樂設施多元化。

最特別是可以扮地鐵維修人員,好似置身於隧道一樣!另外有專為0-3歲低幼齡小朋友設立的親親寶貝遊戲區,全區都有厚墊保護,亦有母嬰室,方便小朋友換片飲奶,非常貼心。

深圳兒童探索館

地址 : 福田區景田路78號婦兒大廈內

交通:深圳地鐵景田站B出口

詳情:深圳兒童探索館 6大主題玩樂設施 扮演消防員/地鐵維修人員/賣腸粉/寵物醫生 仿真大漁船玩捕魚|安妮媽媽親子日記

 

2. 深圳貝爾自然探索樂園

快閃深圳一天遊的好去處——「深圳貝爾自然探索樂園」,有齊電子遊戲機、小動物、遊樂場、美人魚表演、魔術表演、撐船仔和卡丁車等項目。入場門票分3小時和全日任玩,建議買全日票,可以自由進出,又包一節手工。

深圳貝爾自然探索樂園

地址:深圳市南山區海上世界D區自然探索中心

地鐵:2號線海上世界A出口步行300米

詳情:深圳親子遊 |機動遊戲+動物園+卡丁車一體的室內綜合樂園 更有美人魚表演 |安妮媽媽親子日記

 

3. 木育森林

在台灣非常有名的playhouse,深圳亦有三間分店,適合親子 深圳一日遊 的時候去放電!設施新淨,星期六都唔算太多人,全部遊戲都是以木為主題,大人小朋友都啱玩!

木育森林 海上世界門市

地址:深圳市南山區蛇口街道海上世界環船廣場BC 區第1 層的C106-109 商鋪

重點設施:空中飛人、搖擺平衡木、保齡球、跳舞飛天豬

詳情:深圳親子遊|台灣品牌 木育森林 大人小朋友都玩得盡興的室內遊樂場

【木育森林優惠門票】

工作日單人票 價惠:HK$80/位 (原價:HK$88/位)

搶購連結:按此

週末節假日單人票 價惠:HK$128/位 (原價:HK$132/位)

搶購連結:按此

 

4. Meland 夢幻兒童樂園

被譽為國內頂級大型兒童遊玩設施、擁有超過100種玩樂項目的Meland Club夢幻兒童樂園,Blogger「護士Vi媽三小火」的印象是「大」和「多」,「唔知幾多呎但係有幾層樓」。一個價錢入場可以玩到收舖,由下午2:00玩到7:30,食埋飯先走,直言應該叫做「Kill-Me-land」、「玩到命都無呀」,家長同小朋友北上深圳一日遊時不妨體驗一次!。

meland(萬象天地店)

地址:深圳市南山區萬象天地3/F

交通:深圳地鐵到高新園站A出口

詳情:深圳親子遊 |玩足一整日室內兒童樂園|護士Vi媽三小火

 

5. Lollypet盟寵樂園

如果小朋友比較文靜,到深圳一天遊都有好多選擇,例如Lollypet盟寵樂園。

呢個室內動物樂園適合鍾意睇動物的小朋友,除咗可以餵動物之外,仲可以摸!可以超近距離接觸豬仔、梅花鹿、草泥馬、山羊、綿羊、水豚、袋鼠、兔仔、刺蝟、松鼠、貓、鴨、雀鳥、孔雀、蜥蝪、蛇及豚鼠等等。入場門票可以上網買或者到現場購買,入場時提供手襪及保護衣。

Lollypet盟寵樂園(笋崗店)

地址:深圳市龍崗區龍城街道龍崗大道3999號龍城萬科里L3-01

前往方法:地鐵3號線龍城廣場地鐵站D出口(步行約5分鐘)

營業時間:10:00-22:00

詳情:深圳好去處|室內動物園親親梅花鹿+水豚 深圳龍崗2日1夜食玩買行程

 

6. 深圳好去處|鐘書閣

曾被選為全球十大最美書店之一的「鐘書閣」,是文青親子不能錯過的深圳好去處。門口有最標誌性的紅色螺旋書架,非常吸睛!螺旋書架既是藝術裝飾,又是真書架承載圖書,隨便影相都很美!書店內設有兒童專屬童書館,小朋友可以坐在城堡下或旋轉木馬上看書。

鍾書閣(歡樂港灣店)

地址:深圳市寶安區華僑城歡樂港灣東岸L1-021

詳情:深圳親子遊 | 全球十大最美書店打卡一流 兒童童書館 城堡主題+坐旋轉木馬睇書

 

7. 羅湖寶能環球匯

出發深圳一日遊,如果想近近哋搵地方消磨時間,「寶能環球匯(羅湖店)」商場可以滿足你的需求!

有各種餐廳、麵包店、茶飲地店選擇,解決一日三餐冇難度。商場內既有適合打卡的網紅書店「句象書店」,最重要是有好多小朋友玩樂設施:室內兒童遊戲室、電子遊戲機、手工藝店、夾公仔店、卡丁車等,大人同小朋友可以玩足一整日!

詳情:深圳親子遊|羅湖商場1日遊 體驗兒童版 室内卡丁車 +抵玩機動遊戲 推介打邊爐/食片皮鴨|安妮媽媽親子日記

 

 深圳親子遊 戶外好去處:

8. 深圳野生動物園

搭高鐵到深圳北站再轉乘的士,大約20-30分鐘就可以到達的深圳野生動物園,是另一個熱門深圳好去處景點。

野生動物園面積非常大,動物類型很多,如長頸鹿、班馬、羊駝、大象、熊貓、獅子、老虎、海洋生物等等都有。絕對不能錯過猛獸谷,可以坐上麵包車用鮮肉餵獅子、老虎,是非常有趣的體驗!除了睇動物,動物園亦有不同的付費項目,例如冰雪世界,穿着大衣在冰天雪地下玩雪及滑梯。

 深圳野生動物園

地址:深圳市南山區西麗湖東側

開放時間:09:30-18:00

詳情:深圳好去處| 深圳野生動物園 餵獅子老虎/海豚互動/騎馬仔/冰雪滑梯 附兩日一夜住宿資訊

【深圳野生動物園】港澳居民特惠1日門票 HK$99/張 (原價:HK$128/張)

搶購連結:按此

 

9. 卡魯冰雪世界

如果想真實體驗冰雪世界的感覺,不妨去深圳最大的滑雪場——卡魯冰雪世界,由九龍出發只需50分鐘車程,可以隨時出發即日來回。

場內有各類滑雪體驗,玩雪、雪橇車、滑雪水泡、兩層高滑梯、冰屋、北極光打卡區,並且另有輕食暖房。卡魯冰雪世界提供滑雪裝備、頭盔、保暖衫、褲、鞋、儲物櫃都包,唯一需要自備的是手套。

卡魯冰雪世界

地址:深圳龍華區高爾夫大道15號觀瀾湖生態運動公社

門票:HK$143起

收費及網上購票詳情:按此

詳情:滑雪體驗 |深圳最大滑雪場 九龍出發50分鐘車程 玩雪/雪橇車/滑雪水泡/冰屋/打卡|初初媽媽

 

10. 深圳一天遊|大芬油畫村

距離蓮塘口岸近的深圳一天有景點——大芬油畫村。在這裏,油畫體驗只需$30/幅,超級抵玩。村內還有好多文青cafe,畫完畫,可以再去參加不同cafe的手工工作坊,悠閒度過一日。

詳情:深圳親子遊 |超抵玩DIY體驗一天遊 油畫體驗+手工製作+文青cafe

 

11. 甘坑客家古鎮

古色古香的客家小鎮,白天夜晚各有各的美,亮燈後很有中國古典味道,可以盡情打卡影相!小鎮有好多特色小食,還有飛雪樂園、博物館、V谷樂園VR體驗、卡丁車、顛倒博物館、農場及親子商店等,小朋友都可以玩得好開心。住宿方面不用擔心,有數家酒店選擇,價錢相宜。

甘坑客家古鎮

地址:中國廣東省深圳市龍崗區布吉吉華街道甘李路18號

前往方法:深圳地鐵10號線於甘坑站B出口(步行約10分鐘)

開放時間:24小時

詳情:深圳好去處|2日1夜 甘坑客家古鎮 行程 小鎮打卡位+卡丁車+參觀農場+親子特色酒店

其他好去處合集:

港九新界7間戶外 露天餐廳 享受舊警署食堂+玩盡沙池鞦韆+嘆日光海景

澳門親子遊 |5大放電 公園 推介 免費碰碰車/3層樓高滑梯/特大沙池/飛索/兒童電動車只需葡幣$5/15分鐘

澳門親子遊 | 10大 澳門 親子好去處(附優惠連結)


熱門文章

召集親子餅印照片.展示最強DNA | 入選100強即獲精彩禮品
媽媽谷 | 免費加入Ohpama WhatsApp group獲得最新資訊 著數優惠
復活節海外玩2024|17大復活節好去處 日韓賞櫻/大阪環球影城復活節慶典限定/特色室內遊樂場
運動嘉年華 3月限定免費入場 5大運動體驗區 +近距離接觸香港運動員+免費換領紀念品
送《劇場版 角落小夥伴 奇幻的玩具工廠》電影換票證 | 展開奇幻探險之旅

珠海親子遊 | 星奇塔無動力世界 5層高攀爬樂園/欣賞古代煙花「打鐵花」
珠海親子遊 2日1夜超抵玩套餐 酒店套票包遊樂場+動物園+溫泉 一家四口入住1,500蚊有找
深圳親子遊 | 彩虹星球遊樂園 超過30項遊樂設施 彩虹滑道/粉紅色沙池/3層迷宮滑梯
泰國親子遊 |芭提雅Miffy Cafe Miffy公仔造型食物性價比高+裝修風格打卡一流+任玩波波池
珠海親子遊|長隆歡樂世界 120cm以下小孩天堂 兒童版機動遊戲/魔術表演
高雄親子遊 | 恐龍探索樂園 6米高暴龍超吸睛 過山車/摩天輪/海盜船 $125玩足全日
查看更多   ▸