| 日期 | 全年適用 |
Blogger「四月媽媽手記」早前趁聖誕長假期，一家四口飛往上海嚟一次四日短途之旅，行程非常多元化，包括 上海迪士尼 樂園、上海打卡熱門地——武康路、外灘夜景，有小朋友最愛的朱古力旗艦店、樂高旗艦店，亦有俾媽媽盡情購物的奢侈品二手店，大人同小朋友都可以滿載而歸！親身去完旅行，四月媽媽認為，如果想近近哋搭飛機旅行，旅行預算有限，上海是一個不錯的選擇。即睇上海親子遊詳情：
今晚煮乜好富二代一直被爸爸灌輸「家中欠很多債」?
之前成日聽人講上海迪士尼樂園好多人，不過當見識過香港迪士尼，尤其近排開咗Frozen，就覺得呢度都算幾好行。
上海迪士尼開8.30am，不過我哋唔想太攰，所以10點幾先到。園區外已經有唔少打卡位，最吸睛莫過於在水中央嘅唐老鴨，而且仲有間大大嘅迪士尼商店。從下車到入園，全程都好順利，不過沿途好多人會問你要唔要租BB車，個人就覺得盡量唔好啦，因為架車都幾大，同停泊喺樂園其實唔肯定安唔安全。
好啦，入場啦！我哋都係唔鍾意排隊嘅人，所以如果要排超過30分鐘嘅嘢，我哋基本都冇排到。首先就排隊同米奇見面，其實排之前我哋唔知道係同米奇影相的，只係見到佢寫10分鐘所以就排，去到見到原來係可以同米奇合照都好surprise，因為喺香港迪士尼基本上都好難排得到。
之後就去咗Marvel專區，成個場都冇咩人，可能因為冇大型機動遊戲，同美國隊長、蟻俠影相得小貓三四隻。
去到到城堡前影相，呢個城堡真係可以上去㗎，有關於白雪公主嘅立體影畫，效果都幾靚，之後就玩「晶彩奇航」坐船仔欣賞唔同嘅迪士尼公主。作為公主迷，一定要到「冰雪奇緣 歡唱盛會」！我哋只係早10分鐘左右到，坐的位置都不算太差，臨尾會有飄雪，小朋友超開心！
最後就去咗寶藏灣區，呢度主要都係玩吓滑梯、嗚炮，不過當時因為都開始天黑有啲凍，所以就冇再玩其他遊樂設施。
我地去嗰日剛剛係瘋狂動物城開幕首幾天，目測入場要排隊超過200分鐘，所以我哋當然冇去到。最後就去咗商店買嘢，不過就覺得香港產品種類會多一點，而且佢哋冇乜Duffy & Friends嘅產品。因為我哋臨走先去商店，所以當時應該係最多人，行左一陣已經冇乜心機，最後只買咗兩份小朋友嘅聖誕禮物。
總結今次上海迪士尼之旅，其實都唔係玩咗好多設施，不過行吓睇吓嘢都好開心，感覺冇香港咁逼人。
買票小貼士：記得事先喺網上平台預訂門票，早10日預訂會有早鳥優惠，比喺官網買票平，同埋只需要掃QR code就可以入場，不過因為要用證件買票，所以入場當日記得要帶去俾職員核對。
凍冰冰的平安夜到了上海武康路當文青。不過星期天人很多，大多聚在武康大樓附近拍照，沿途都有不少歷史建築，兩旁有樹木加上落葉很有詩意的，仲有特色商店、咖啡店。喺呢度行感覺舒服寧靜，拍出來嘅照片都好靚！
外灘風景很美，不過真係太冷，所以兩晚都只係逗留咗一陣。當年我哋喺度影結婚相，再來嘅時候已經同兩個馬騮仔一齊了。
只二係位於上海一間超大型的奢侈品二手寄賣店，有近萬平方米，真的可以逛足半天！
進入前要先寄存物品，入口閘機處會為客人提供一次性手套，產品可以隨便取下及試用，而每個產品上都有一個QR code，需要用只二app去查價錢，不過因為我冇國內電話，所以就用唔到呢個function，需要叫店員幫我登陸。有Account嘅話，首次購物會有折扣。
呢度產品類型非常多，除咗有包包，仲有服飾、鞋、頸巾、手錶、飾物等等，全部都按種類及品牌分門別類，擺放整齊。當中有高檔的如Hermes、Chanel，中高檔的LV、Dior、Gucci等，也有較為大眾化的嘅品牌如MK、Coach。
全部貨品都係由賣家自己定價，不過有好多定價都唔低，想要找到心頭好就要慢慢尋寶。而產品上架之前都會經過佢哋鑒別真偽，但係咪真係100%值得信賴大家就要自行判斷了。
溫馨提示：如果諗住逛得耐而又帶小朋友嘅話，建議下載定啲卡通俾佢哋解悶。
來到上海的最後一天，只得半天時間，我哋就去咗南京路步行街，附近有大大小小的商店，亦有舊上海建築，仲可以坐小火車穿梭大街。
不過此行其中一個重點，就係到世茂廣場內的M&M巧克力旗艦店，兩兄妹見到真係超興奮！我自己入到去見到五彩繽紛嘅朱古力，都覺得好似好治愈！一入到去已經聞到陣陣嘅朱古力香味！這裏有兩層高，除咗朱古力仲有唔少mm嘅精品，不過啲嘢價錢其實唔平，但一場嚟到，點都要買番啲朱古力返去！
行過隔離就係Lego 旗艦店，門口有個超巨型用Lego砌出嚟嘅東方明珠塔，裏面亦有唔少用Lego砌出嚟嘅打卡位。不過我哋就冇買嘢，主要都係入嚟參觀吓。
圖文獲「四月媽媽手記」授權轉載
更多親子好去處：
沖繩親子遊 ｜那霸好去處 特色手信商店街/平民美食廣場/波上宮神社/奧武山公園
台灣親子遊｜性價比高鐵板燒Omakase 一家三口食32道菜只需$1,000
深圳 Costco 及 山姆 超市旅行團優惠 ｜純玩2日$468 到訪Costco/送全球通用會籍/住五星酒店/包自助餐
