| 日期 | 全年適用 |
珠海親子遊 ｜珠海星樂度是珠海橫琴新開幕的度假村，以豪華露營為主題，園區內有各種遊樂設施，適合親子度假。Blogger「有個過度活躍媽」早前聖誕長假期同小朋友一齊北上，體驗兩晚不同房型的住宿，形容是「超級推介」，特別是城堡住宿「勁正」，立即睇睇詳細介紹：
名人育兒心得今晚煮乜好
聖誕公眾假期4天，跟朋友們去了珠海4日3夜，我哋住咗喺星樂度園區2晚。第一晚住星旅酒店阿度主題房，第二晚住星運城堡（勁正勁正！），園區環境好好，又有星奇塔無動力世界可以玩，是超級推介。
阿度主題房其實只係有主題既普通房間，聖誕假期，只要六百幾蚊人仔一晚確實好抵，仲包埋2個大人嘅早餐。小朋友高過120cm就比58民幣。不過如果大家嚟星樂度，建議大家住其他房間，例如木屋、房車等。成個園區環境都好好，見到好多申請咗港車北上嘅車可以泊喺星樂度，勁方便。
第二日，我哋就轉左去住星運城堡，真係好正呢！去星樂度，建議大家住呢啲特色房。
房旁仲有個jacuzzi，初時聽到係木屋，驚好簡陋、好凍，不過真實環境非常好，有暖氣，仲有Dyson風筒。每間城堡旁邊仲有燒烤區，成班朋友一齊燒烤，真開心。我哋無訂園區內既燒烤食物，喺外面搵到訂燒烤食物送到星運城堡，所以，就比200人仔開爐費，借爐用。用完，第二朝我哋已經見到清理晒，收返個爐了。城堡旁仲係星樂度內嘅免費遊樂區，所以，當我哋燒烤既時候，小朋友就可以去玩，大人可以安樂地燒烤。
圖文獲「有個過度活躍媽」授權轉載
更多親子好去處：
深圳兒童探索館 6大主題玩樂設施 扮演消防員/地鐵維修人員/賣腸粉/寵物醫生 仿真大漁船玩捕魚｜安妮媽媽親子日記
