| 日期 | 全年適用 |
室內遊樂場 ｜平時返學咁忙，放假一定要帶個女周圍去開心吓啦！小朋友放電，最好就去playhouse玩，室內場，唔洗睇天氣，幾時都去得。
不過講真，我地都唔係成日去playhouse，因為我真係好怕去陪坐…經常見到playhouse嘅爸爸媽媽都塞爆休息區。不過呢間就好唔同喇！ 呢度絕對係真真正正嘅親子playhouse，真係大人小朋友一齊玩嘅地方。
呢度除咗小朋友放電最愛嘅波波池，跳跳城堡之外，大量遊戲機任玩！包括電動車、遊戲機、滑水機、氣墊球、社籃球、滅火game……等，多到數唔晒！講緊仲係一人收費2享受，一個價錢任玩，大人細路都玩得盡興，呢啲先叫親子好去處架嘛！
勁抵玩，如果平時出街玩，半個鐘$2、3百走唔甩，一次隨時玩過千……真係唔捨得帶阿女去。呢度只要$210任玩1小時45分鐘，真係抵到爛！
仲有我細細個最鐘意嘅跳舞機、釣魚機，可以同阿女一齊玩，真係勁開心。唔止我呀！ 眼見超多爸爸媽媽、甚至婆婆嫲嫲級都一齊玩，呢度絕對係最少大人補眠嘅playhouse（因為啲爸爸玩得仲開心過小朋友）。
圖文獲「雷囡媽媽」授權轉載
其他好去處：
親子餐廳 ｜環境安靜 食物價錢親民 小朋友至愛波波池 一大一小$85/小時｜雷囡媽媽
室內遊樂場︱元朗 Happy2gather playhouse 低至$53/位 75分鐘任玩 大型波波池、滑梯、多種兒童遊樂設施
室內遊樂場︱Sky PlayPark「買一送一」快閃優惠 暢玩2.5小時$50/位
