珠海親子遊 ｜Blogger「有個過度活躍媽」早前聖誕長假期同小朋友到珠海旅遊，到訪珠海橫琴度假村星樂度住宿，亦到 星樂度星奇塔無動力世界 玩樂，立即睇睇詳細介紹：
放假親子去邊好？
今日熱話
聖誕珠海之旅嘅第二天，就係去 星樂度星奇塔無動力世界 ，我哋真係玩咗一日，由10點開門玩到5點幾返去星運城堡燒烤。
以下介紹幾個遊樂設施：
個樣好似frozen城堡，一入場就見到，小朋友即刻衝去玩，類似我哋去日本玩嘅戶外逃脫。不過最後有條長滑梯，有職員會俾個布袋你滑落嚟，我哋大人都有玩。
用腳踩嘅卡丁車，一家大細都玩得，環境好，必玩之選。
好多嘅攀爬和繩網，旁邊仲有飛索，小朋友玩個幾鐘絶對無問題。
1.3-1.5米兒童需要請教練，並且只能玩第一層，教練費¥50/人。我大仔1.3米，小朋友中得佢有玩。我睇住佢玩，覺得有挑戰性，教練都非常好，好注重安全，值得付教練費玩，玩第一層大概需時45分鐘。
室內playroom，提提大家，自攜防滑襪，如果無俾¥10買。
午餐@小黄鴨茶樓
完全不推薦！等好耐先有食物，味道普通，價錢偏貴。
相比內地其他嘅無動力公園，星奇塔相對較貴。我哋喺美團買入場券¥382/2大2小。平時香港俾開貴入場費，就覺得抵玩，同埋地方大，我哋聖誕公眾假期去，絶大部分係香港人，感覺好鬆動。
圖文獲「有個過度活躍媽」授權轉載
更多親子好去處：
