深圳好去處|中醫館內做小小中醫 自製中藥香包/小兒推拿體驗/1對1健康咨詢


全年適用

平時喺playhouse扮醫生、牙醫、獸醫就扮得多,扮中醫師真係第一次,仲要係喺真嘅中醫館度玩!今次我哋係跟西九龍共學北上去深圳當個小小中醫師,一去到中醫館,我哋就被安排喺活動室,小朋友可以換上中醫袍,個個都好得意!

導師先介紹中醫館歷史,然後就帶我哋參觀中醫館各個設施同產品,之後有中醫師進行把脈教學體驗,最後回活動室就進行問答遊戲。

小朋友喺問答環節當中可以認識8種藥材,入藥究竟係植物嘅邊一部分?有咩功效?全部都可以了解到,不過多數都係小朋友舉手,家長代答,由於有小零食做奬品,小朋友個個都好踴躍舉手!

認識完藥材,就到自製中藥香包,香包嘅材料係人參果不同部分,小朋友要用秤去拿指定重量嘅藥草,然後放入袋內,中藥香包就完成。豬仔包第一次用秤,起初都手忙腳亂,後來媽媽指導一下,就越做越好,最後都成功秤到需要嘅份量放入香包裏面,製成中藥香包,香包仲有防蚊同去濕等功效,豬仔包話去戶外玩要提佢帶埋去。

整完香包,就派發奬狀同大合照,之後就到產品試食,蜜糖多士係最受歡迎嘅試食品,忍唔住食完一塊再一塊。除咗試食體驗,仲可以有醫師一對一健康咨詢同小兒推拿體驗環節,豬仔包話按摩,好舒服,舒服到唔想起身,體驗時間唔夠喉,叫媽媽返屋企幫佢再按。

活動有得食、有得玩、有嘢學,仲有禮物,豬仔包話好開心,我哋其實仲有其他北上打工體驗,之後再同大家分享!

其實內地團,我全部都係跟西九龍共學去玩的,佢哋會喺群組不定時組織活動一齊玩,接洽内地旅行社搞活動,唔同職業配搭會唔同錢。如果自組夠30人會包車去玩,一次會體驗兩個活動。

中醫配麥記 RMB510,一大一小包車,有粵語老師帶隊,包關口來回,同每人一支水。

圖文獲「豬仔包の開心日常」授權轉載

更多親子好去處:

職場體驗 |試做人氣遊樂場小店長 超真實角色扮演:水吧小廚師/收拾玩具/接待收錢 另任玩1小時放電 |初初媽媽

親子露營 | 兩手Fing Fing去露營 劈柴生火體驗/DIY「乞衣雞」/營火夜空放映會


熱門文章

免費好去處|少年警訊創新科技大賽2024-25嘉年華 首次對外開放 玩轉科學鑑證遊戲/AI詠春體驗
召集全城大小巴士迷|送挪亞方舟「玩轉馬灣巴年華」親子套票
珠海親子遊 2025|16大好去處 主題樂園/1:1太空艙/溫泉度假村/免費景點 附9間親子酒店及民宿推介
全港遊樂場|48兒童遊樂場推介 攀爬設施+可愛造型|親子好去處 (不斷更新)
職業體驗 ︱1小時 消防小隊長 體驗 穿制服模擬拯救情境 培養自理/解難/體能 $250/位

韓國親子遊|濟州親子好去處 11 個主題樂園 + 博物館 + 生態公園合集
台灣親子遊|10間高雄親子酒店精選合集 主題房+遊戲室+泳池 附訂購方法 帶小孩放電首選!
親子旅遊 ︳上海Legoland 票價公布 最貴一日票599元
越南峴港 之旅 扶老攜幼一家10口交通/住宿/飲食攻略 附六日五夜行程
珠海親子遊 2025|16大好去處 主題樂園/1:1太空艙/溫泉度假村/免費景點 附9間親子酒店及民宿推介
韓國親子遊|13個 首爾室內親子好去處 合集 主題樂園+博物館+動物園
查看更多   ▸