| 日期 | 全年適用 |
今次高雄旅行，有一個重點行程就係去「鈴鹿賽道樂園 Suzuka Circuit Park」，位置喺「華園大飯店草衙館」對面，近嘅程度係行出門口已經見到。星光票係由下午5點開始玩到關門，票價係台幣399，比全票980便宜很多，至於豬仔包，因為未滿6歲，一位成人購買了全票，就可以用台幣200加購幼兒票，計番都係港幣130，就可以一大一小玩3.5小時，性價比極高！
樂園係免費進入的，需要玩遊樂設施先購票，可以選擇購買任玩嘅票種，亦可以逐個項目付費參加，非常有彈性！由於樂園設施係以高度做限制，所以最刺激嘅「迷你鈴鹿賽道」，我哋就無緣喺專業卡丁車賽道感受飄移樂趣，不過小朋友身高120以下，喺「賽道樂園」仍然有好多設施可以玩，包括：酷奇拉駕駛學校、滴答電車、甩尾小車手、越野大冒險、旋轉木馬、摩天輪、自由樂體、叮叮電車、小小騎士等。
酷奇拉駕駛學校：小朋友夠110cm已經可以自己玩，車上有計分儀器，沒有碰撞，做對指令等，都可獲得加分，夠30分或以上，就可以得到紙本駕照，仲分三個不同等級，非常有挑戰性，豬仔包玩咗3次，終於喺最後一次成功獲得30分以上，開心到暈！
滴答電車：每架小電車可以坐最多4人，沿路軌前進，有指示牌寫住限制速度，沿途仲經過摩天輪同卡丁車賽道，最後完成回終點站，只要指針指著黃色部分，就可獲得紙本駕照，可惜我哋不是太快就是太慢，玩了3次都不成功。
甩尾小車手：活動係每4組人進行，係一個小比賽，一路兜圈，到最後一圈工作人員會搖旗提示，我哋玩咗2次，一次第1，一次第2，離開時職員仲比咗張紙本駕照我哋添，好有鼓勵性。
越野大冒險：呢個活動司機係需要135cm以上，所以大部分都係大人負責，最多可以4人一起。由於我哋玩嘅時候已經是晚上，黑漆漆咁玩，氣氛特別緊張，再加上媽媽完全係不懂駕駛，地面高高低低，好驚拋咗豬仔包落車。最後媽媽中途係要工作人員幫手，先揸到架車番終點。媽媽真係玩完都驚魂未定，完全冇影相。豬仔包話好驚，但好刺激，不過要爸爸喺度先會再玩。
旋轉木馬：一上到去豬仔包就㨂咗比較矮嘅馬，諗住易啲上落，點知唔係隻隻馬都會郁，我哋嗰款可能係比啲幼兒坐，唔識郁，又唔可以中途轉第二隻，所以豬仔包有點失望（留意見到有柱先識郁）！
摩天輪：我哋係樂園快要關門時才玩的，諗住轉兩三個圈，望吓夜景，點知轉咗6個圈，豬仔包話坐太耐，可能早上或下午，可以見到人玩卡丁車會更吸引！
豬仔包得到嘅紙本駕駛執照，可以去售票處加錢變成硬卡駕照，會即場影相，小朋友會感覺好真實。卡嘅圖係按紙本駕照級數同項目而定，不是自己挑選的，所以要全部駕照都有齊，真係要有好嘅駕駛技術先得。
總結：樂園雖然不大，但喜歡車嘅小朋友真係可以玩一整天都不悶，平時香港玩電動車都要$50-60一次，呢度真係可以過足癮。如果入住 #華園大飯店草衙館 ，不論是全票或星光票都有優惠，可以響飯店櫃台購買。就算沒住飯店，在Klook購買同樣有優惠，仲可以即買即用，就算改動行程也不怕。
地址：806 台灣高雄市前鎮區中山四路100號
營業時間：週一至週五：11:00-20:30 （假日及例假日提前30分鐘開園）
交通：捷運草衙站2號出口，步行約5分鐘
樂園網址：http://www.suzukacircuitpark.com
圖文獲「豬仔包の開心日常」授權轉載
更多親子旅遊好去處：
