全港最大戶外 電動車 場 「拖頭」/工程車/掘泥車/飄移賽車/警察電單車 3歲就可以玩｜初初媽媽

全港49,000呎戶外 電動車 場，超真實，好似係馬路上面揸車咁。必玩全港獨有「拖頭」、工程車、掘泥車、仲有跑車、賽車、警察電單車，夠3歲/80cm就玩得啦！

好似妹妹咁唔識揸車，可以有職員遙控控制㗎，不論大小小朋友都有得玩，好開心！

套票包咗揸四款車同埋一個工作坊，有迷你流體熊鎖匙扣、S.T.E.A.M木製手工等。

入場玩仲有免費放電區任玩，多部車車免費任揸任玩！有雙人三輪車、滑板車、單車、起貨車等……最正是小朋友揸車，大人有得坐住等，場內設有露營枱凳，家長舒舒服服等，幾爽。

除咗兒童電動車，仲有飄移車·甩尾車，哥哥話一踩油勁快，好刺激！大人小朋友都可以玩，一齊感受刺激速度感！

小貼士：

• 電動車適合3-11歲小朋友參加，80-120cm及體重不超過20kg小朋友。可以借賽車衫/警察衫揸車打卡！部份車款有遙控掣，未識揸車嘅小朋友都可以玩！
• 甩尾車適合9歲以上，120cm以上及體重不超過63kg小朋友。亦設有大人型號，16歲以上，140cm以上使用！
• 套票包咗揸四款車同埋一個工作坊，S.T.E.A.M工作坊可以喺現場玩，或者拎返屋企慢慢玩都得，如果唔玩工作坊可以換揸多一次車。

預訂按此

「龍景8號」

位於灣仔龍景街，金鐘地鐵站E，中信大廈對面馬路行2分鐘就到啦！

開放時間：逢星期三至日13:30-18:30

文章獲初初媽媽 ChochoMama授權轉載

更多親子好去處：

親子貓cafe ｜日系原木風 無限時任坐套餐$58起包食物+飲品｜初初媽媽

馬鞍山好去處｜全新開幕逾萬呎室內遊樂場 「賽車嘉年華主題」彈跳迷宮+碰碰車+夾公仔機｜初初媽媽