| 日期 | 全年適用 |
珠海親子遊 ｜慶祝Aidan的生日，加上提早放復活節假，我哋揀咗佢想去好耐嘅珠海長隆度假區玩。今次我哋會住長隆飛船酒店，去長隆海洋王國+長隆宇宙飛船，再去長隆秀睇表演，2日1夜行程好豐富呀！今篇就主力介紹「長隆海洋王國」啦！
我哋經港珠澳大橋搭車去，一早出發，11點前就到達酒店，方便又快捷。先去長隆飛船酒店Check in放低行李，就即刻去「長隆海洋王國」玩喇！
長隆海洋王國真係好大，係全球最大的海洋主題公園，設有8大主題區，每個區都各有特色，因為我哋得一日時間遊園，所以我一早就睇定想玩嘅嘢，再制定行程，咁就唔使嘥時間搵路啦！
一入園就先去鯨鯊館，呢個時候遊客較少，會影到靚相。鯨鯊館真係好震撼好驚喜！可以喺巨型玻璃屏觀賞超大鯨鯊同成千上萬嘅魚喺面前游嚟游去，仲有4米長嘅魔鬼魚，好壯觀！必看劇場有白鯨劇場和海豚劇場——白鯨真係好可愛，表情豐富。
睇完就可以順序遊覽唔同展館，包括白鯨館、企鵝館、水母館、海象島等。
下晝仲有海洋花車大巡遊，都好有氣氛！兩兄弟喺「英雄島」玩咗好多機動遊戲，迷你潛水艇、碰碰樂、企鵝過山車和海怪塔等，好開心。
夜晚喺海洋王國食dinner後，我哋就返酒店，喺房間大露台睇「海洋幻彩煙花秀」，煙火效果震撼，好精彩，十分推介！
園區內仲有親子科普學堂和小小保育員，但我哋想去睇表演多啲，所以都無時間參與，希望下次有機會！
Day 1 好完美，上酒店後個個都勁快瞓着， 第二日會去長隆宇宙飛船玩，必玩潛水艇和百慕大歷險。（下篇會詳細介紹長隆宇宙飛船好玩攻略）
小長假或周末，大家都一齊嚟長隆珠海度假區玩返夠本啦！
—————————————
歡迎連絡安妮媽媽：
Facebook專頁： 安妮媽媽親子日記
IG: @Annie_mama_diary | 安妮媽媽親子日記
E-mail : AnnieMamaDiary@gmail.com
更多好去處推介：
黃金海岸酒店 親子staycation之選 無敵海景+小朋友最愛花園小火車+3分鐘步行可達沙灘 ｜安妮媽媽親子日記
