珠海親子遊 2日1夜超抵玩套餐 酒店套票包遊樂場+動物園+溫泉 一家四口入住1,500蚊有找


全年適用

珠海親子遊 |復活節公眾假期4天,不過我哋淨係得頭2日可以去玩,要諗一個地方去2日1夜,最後就決定「港車北上」珠海海泉灣*。

因為驚多人,我哋7:45am已經喺屋企出發,11點己經喺白藤頭食海鮮。1X年前同活躍爸去過,好似都覺得好普通。今次,我哋係住最新果間帆酒店,開咗半年左右,只係book最普通嘅房間(有啲房係有滑梯、私人溫泉),我哋住普通房都覺得好ok,性價比非常高!酒店廁所竟然係電子廁所(對於在家用開電子廁所,我哋係勁加分),全部潔具係用Hansgrohe。

重點:一家四口酒店房一間+遊樂場+動物園+溫泉+早餐=¥1250(矮過120cm係免費入場,所以細佬乜都唔洗!)

酒店內有一playroom,免費任玩,環境都幾好、另外,有一個室外嘅遊樂設施都幾大。無冷氣,不過有蓋。

至於早餐,都真係應該係我哋喺大陸食過最好嘅三甲!勁多選擇,有芝士、有cold cut,沙律都有好多款,而且早餐竟然有泰式青木瓜沙律。

另外,自駕嘅人士可以免費泊車;無自駕嘅,園區內有golf車免費載客人。

預訂按此

5分鐘步行去浸溫泉

由帆酒店行去海洋溫泉係好近,應該5分鐘內,我哋去完動物園,食完晚飯,就去浸溫泉。為咗滿足啲仔好想搭Golf車,所以就由酒店搭去海洋溫泉,N年前,我和活躍爸嚟過浸溫泉,今日再去,其實同N年前唔係好大分別,舊舊地,當然,同日本浸嘅感覺完全不同。不過海洋溫泉都好多唔同池選擇:

✅海洋溫泉有個位置係for小朋友,有滑梯。啲小朋友當嬉水池玩;

✅有個位置浸住溫泉睇戲,都幾正;

✅有好多不同味道嘅溫泉,例如: 紅酒、綠茶、咖啡等。我覺得當歸味最逼真;

✅有得扮喺「死海」浸

浸浸下口乾,仲有免費紅棗茶、薑茶、鹽水任飲。

暢玩動物園+遊樂場

成個酒店package包埋動物園和遊樂場。

先介紹動物園———小矮人萌寵樂園。環境好好,帶小朋友一流,由於我細仔係草泥馬愛好者,所以係必去!

雖然包咗入場費,但裏面有不少自費項目。由於package太抵,所以即使要額外比錢,都覺得勁抵。例如,買紅蘿蔔餵動物¥10、買奶餵豬¥20(有手套/夾提供比小朋友餵動物)。啲仔仲玩埋騎馬。2個仔玩咗騎馬體驗¥138/10分鐘,個馬圈好大,同之前普通兜一個圈唔同。我哋大概逗留咗喺動物園2.5小時,由於我哋住喺帆酒店,所以喺海泉灣渡假區內泊車都係免費。

第二日早上食完早餐,就去神秘島遊樂場玩。地方好大,又非常少人(租電動車駕好啲,我行到腳軟),基本上都唔洗排隊,除咗碰碰車。挖泥機喺內地好多地方都要額外收錢玩,不過神秘島係免費任玩,2個仔玩咗N甘多次!佢哋應該最鍾意玩呢個挖泥機!

每人加¥20,可以入雪世界(¥20已包外套、鞋套),雖然裏面細,都係玩下滑梯,不過¥20/人,好抵玩。

呢度既有無動力既嘢玩,又有機動遊戲(啱大童嘅刺激機動遊戲),加上超級少人,所以感覺上比上次去嘅珠海星樂度更正(不過神秘島玩踩車要比¥25/人,星樂度是免費的。)

珠海海泉灣帆酒店

酒店地點:珠海金灣區平沙鎮海泉灣路801號

預訂按此

*由港珠澳珠海口岸開車大約1小時

圖文獲「有個過度活躍媽」授權轉載

更多親子好去處:

珠海親子遊 | 星樂度星奇塔無動力世界 由早玩到晚 5大遊樂設施推介

港車北上親子遊 |佛山Snoopy主題樂園 逼真呈現漫畫主題世界 騎馬/開挖掘機/餵小動物 適合初小及幼稚園小朋友

20間 台灣親子民宿 +酒店推介 24小時玩賽車/房內瀡滑梯+蕩鞦韆/森林遊樂區/糖果屋外型/私人溫泉

深圳親子遊 |超抵玩DIY體驗一天遊 油畫體驗+手工製作+文青cafe


熱門文章

召集親子餅印照片.展示最強DNA | 入選100強即獲精彩禮品
媽媽谷 | 免費加入Ohpama WhatsApp group獲得最新資訊 著數優惠
復活節海外玩2024|17大復活節好去處 日韓賞櫻/大阪環球影城復活節慶典限定/特色室內遊樂場
運動嘉年華 3月限定免費入場 5大運動體驗區 +近距離接觸香港運動員+免費換領紀念品
送《劇場版 角落小夥伴 奇幻的玩具工廠》電影換票證 | 展開奇幻探險之旅

高雄親子遊 4日3夜 精選行程 附親子酒店推介|台灣親子遊
暑假親子遊 | 盤點20大暑假旅遊熱點 享受真正Family Time
珠海親子遊|走進宮崎駿壁畫世界 免費親子遊樂場 沙池/繩網/空中歷奇
深圳首個無動力親子樂園 艾尼摩神奇公園 推薦7大好玩放電設施
深圳滑雪場 ︱卡魯冰雪世界 5折快閃 $85/位 包雪服+雪靴 2小時暢玩滑雪+滑冰
日本親子遊 |一家四口自駕遊四國 19日行程全公開(下)
查看更多   ▸