| 日期 | 全年適用 |
長隆歡樂世界係大朋友同小朋友都啱玩既主題樂園，成個都係機動遊戲，包你玩到謝皮！記得在門口取紙版地圖，有清楚顯示每個遊戲的高度限制！
我的三個仔，有個就夠高唔夠膽，有兩個就夠膽唔夠高，都叫你地平時食多啲飯飯啦，下次再嚟就夠高啦！
住長隆酒店或熊貓酒店的話，最近路線從北門進場，我們主攻120cm以下的「星夢奇園」，全部項目孩子都可以玩，我們可以一家人一齊玩。垂直過山車、十環過山車、U型滑板、激流勇進和跳樓機，有機會下次再玩過！歡樂劇場的魔術表演也很吸引，阿二喜歡玩魔術，看到目定口呆，大家表示很驚喜和開心！
另一個適合120 cm以下孩子的區域是「叢林探險」，較近南門的，樂園考慮也很窩心，無論南門或北門進入，總各有一個區域適合120cm以下的寶寶+ 適合青少年以上的刺激過山車項目。
其他小貼士：
1. 在微信找 「長隆旅遊 」小程式，一眼看清每個項目開放時間和排隊時間
2. 記得帶蚊怕水、防曬帽和多喝水
3. 在平台買完票之後，一定要上長隆官網激活憑証，出到個QR code才算出票成功
圖文獲「護士Vi媽三小火」授權轉載
作者：何穎恩姑娘
更多親子好去處：
珠海橫琴親子遊 ｜海洋王國親子攻略 9個必玩必睇位｜護士Vi媽三小火
