北角新開幕4,000呎室內遊樂場 模擬超市/AR沙池/小火車

最近香港都有一間以澳洲為主題嘅playhouse，場內會見到袋鼠同樹熊嘅蹤跡！全場總面積4,000呎，劃分多個區域，幼兒已經可以入去玩，當中最有特色嘅一定係模擬超市，小朋友推住購物車去到收銀機，直接將物品擺喺Scan area，收銀機螢幕會即時顯示物件實物圖片、名稱、成份等等，超高科技呀！

Play House當然唔少得波波池啦，除咗有透明隧道之外，呢度更增設獨家釣魚遊戲，小朋友可以喺波波池嘅高處，利用繩索同磁石釣魚，趣味十足！AR沙池亦都係小朋友樂而忘返嘅地方，投射器嘅圖案會跟住沙嘅位置移動㗎！

入嚟玩嘅大人同小朋友，每組家庭仲可以去影相區影相，仲有Soft copy同hard copy拎走，小朋友仲可以即場利用畫筆設計相框添！

最後一定要去玩埋電動小火車，入場費已經包一張小火車券。試業期間入場費更低至$110，價錢已經包咗一大一小入場任玩兩個鐘，超抵玩呀！地點仲要超方便，炮台山地鐵站A出口一出，過條馬路就係啦！

溫馨提示：要着防滑襪，冇帶嘅話，試業期間場內都會提供送俾小朋友。

Playroo

地址：北角英皇道147-151號1樓（炮台山地鐵站A出口）
WhatsApp預約： 93188660

試業優惠已完6月7日完結。

圖文獲「芯羽心語」授權轉載

更多親子好去處：

香港海事博物館 免費親子同樂日 模擬駕駛體驗/博物館尋寶/攤位遊戲/導賞團

海洋公園水上樂園 限時優惠 低至$168/位 暢玩八彩天梯／激流旅程／急流旋渦／沖天瀑布／高速滑水梯

免費入場 平日人流少 藝術館新「細世界明日樂園」 玩單軌列車

參觀巴士廠 ︱ 九巴車廠遊學團 $165/位 體驗洗車過程+認識巴士維修+古董巴士介紹