| 日期 | 全年適用 |
端午節假期我們去了 深圳南澳 玩了兩日一夜，第一天天氣不太好，差不多落足一整天雨，好彩第一天沒甚麼特別行程，都是去餐廳食飯打下卡。南澳真係好多好靚的西餐廳，天氣晴朗一定可以拍到更好照片！
親子旅遊推介今日靚湯
第一天安排在酒店嬉水，專登訂了露台房，可以浸浴chill一下，雨豬仔同好朋友都玩得好開心。玩水過後就去吃酒店安排下午茶，即做即整，食物賣相味道一流。晚餐當然要去食海鮮啦！海膽炒飯是必點之一，還有其他海鮮套餐，真是要找一間良心價錢的餐廳，不然會俾人呃，好彩我一早做好功課先嚟玩。食飯前後可以叫船家載我們出海睇風景同日落！
第二天訂了帆船出海，好彩天氣尚算晴朗，第一次玩帆船體驗，教練會教我們起帆、收帆，在船上拍了很多美麗照片，是一個不錯的體驗！包一架帆船只係$800人仔，可以坐5個人都幾抵。
之後去了一間好有特色的coffee shop打卡，吹下海風，第一次水底下影相，感覺好amazing，小朋友都不斷走上走落，玩下鞦韆，時間過得特別快！
我們午餐亦都揀咗咖啡店附近的餐廳食，是一間泰國餐廳，因為近住海灘，所有餐廳裝修都好有格調，早晚嘅感覺都不一樣，猶如置身外國一樣！食物美味，份量亦都夠大。溫馨提示：如果真想來這兒玩，一定要揀平日，不然回程一定大塞車。
真係要推介一下我們訂的酒店，知道我們慶祝生日酒店送咗下午茶，免費拍攝，酒店亦包了早餐，湯水，最後仲送咗煙花俾我們玩，職員非常貼心同細心，真值得一讚！
酒店：蜜悦·深圳莫奈瓦夏海景度假美宿
預訂詳情：按此
帆船：大鵬遊艇會（電話.微信預訂 18033078661）
Coffee shop：山海咖啡海景餐bar
圖文獲「Hannah雨豬仔之-吃喝玩樂世界」授權轉載
其他好去處：
大阪親子遊 | 貓頭鷹親子Cafe試餵/摸貓頭鷹 兒童博物館/科學館/職業體驗館 滿足3大願望
